Сафири Тоҷикистон бо Вазири нафти Давлати Кувайт мулоқот намуд

ДУШАНБЕ, 20.10.2025 /АМИТ «Ховар»/. 19 октябр мулоқоти Сафири Фавқулода ва Мухтори Ҷумҳурии Тоҷикистон дар Давлати Кувайт Зубайдулло Зубайдзода бо Вазири нафти Давлати Кувайт Ториқ Сулаймон Аҳмад Ар-Румӣ баргузор гардид.
Тавре ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд, дар вохӯрӣ ҷонибҳо масъалаҳои таҳкими ҳамкории иқтисодии дуҷониба, аз ҷумла ба роҳ мондани ҳамкорӣ дар соҳаи нафт ва дигар мавзуъҳои мавриди таваҷҷуҳи муштаракро баррасӣ карданд.
АКС: Сафорати Ҷумҳурии Тоҷикистон дар Давлати Кувайт