Таҳкими ҳамкорӣ дар доираи лоиҳаҳои Бонки аврупоии таҷдид ва рушд дар бахши молиявӣ баррасӣ гардид
ДУШАНБЕ, 06.10.2025 /АМИТ «Ховар»/. Масъалаҳои таҳкими ҳамкорӣ дар доираи лоиҳаҳои Бонки аврупоии таҷдид ва рушд дар бахши молиявӣ зимни мулоқоти раиси Бонки миллии Тоҷикистон Фирдавс Толибзода бо ҳайати Бонки аврупоии таҷдид ва рушд таҳти роҳбарии директори бахши муассисаҳои молиявии бонк оид ба кишварҳои Осиёи Марказӣ, Қафқоз ва Туркия Георгий Орлов дар Душанбе баррасӣ гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Раиси Бонки миллии Тоҷикистон ҳайати Бонки аврупоии таҷдид ва рушдро бо вазъи макроиқтисодӣ ва низоми бонкии мамлакат шинос намуда, гуфт, ки новобаста ба сатҳи баланди номуайянии иқтисодӣ дар минтақа нишондиҳандаҳои макроиқтисодӣ ва низоми бонкии мамлакат муътадил боқӣ мемонанд.
Ҷонибҳо дар мулоқот масъалаҳои марбут ба дастгирии лоиҳаҳои соҳибкории хурду миёна, занони соҳибкор, ҷавонон, ташаббусҳои иқтисоди «сабз», инчунин рушди бозорҳои молияю сармоя ва такмили механизми самараноки сиёсати пулию қарзиро баррасӣ намуданд.
Ҷонибҳо инчунин оид ба рушди бозори суғуртаи мамлакат табодули назар намуда, қабули «Стратегияи рушди низоми суғурта дар Ҷумҳурии Тоҷикистон барои солҳои 2025-2029»-ро заминаи муҳим барои ислоҳот ва ба талаботи замони муосир ҷавобгӯ гардонидани соҳа арзёбӣ намуданд.
Таъкид шуд, ки ҳамкорӣ байни Бонки миллии Тоҷикистон ва Бонки аврупоии таҷдид ва рушд дар ин самт ба тақвияти иқтидори идораи назорати суғуртавӣ ва татбиқи намудҳои хизматрасонии суғуртавӣ мусоидат мекунад. Ҷонибҳо барои идомаи татбиқи лоиҳаҳои афзалиятнок ва рушди устувори низоми молиявии мамлакат изҳори омодагӣ намуданд.
АКС: Бонки миллии Тоҷикистон
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
