Ташаббусҳои глобалии Тоҷикистон дар соҳаи об дар ҷаласаи Конфронси исломии вазирони масъул оид ба масъалаҳои об дар Ҷидда баррасӣ гардид
ДУШАНБЕ, 22.10.2025 /АМИТ «Ховар»/. Аз соли 2018 инҷониб Раванди оби Душанбе ба платформаи эътирофшудаи ҷаҳонӣ барои муколама ва ҳамкории амалӣ табдил ёфтааст. Ин нуктаро Вазири энергетика ва захираҳои оби Ҷумҳурии Тоҷикистон Далер Ҷумъа дар ҷаласаи панҷуми Конфронси исломии вазирони масъул оид ба масъалаҳои об, ки 22 октябр дар шаҳри Ҷиддаи Шоҳигарии Арабистони Саудӣ баргузор гардид, иброз намуд.
АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад, ки Вазири энергетика ва захираҳои оби ҷумҳурӣ иброз дошт, ки Ҷумҳурии Тоҷикистон ба Конфронси исломии вазирони масъул оид ба масъалаҳои об таваҷҷуҳи махсус зоҳир менамояд, зеро он рамзи ваҳдат, муколама ва ҳадафи муштараки давлатҳои мо мебошад.
Вазир ба пешоҳангии Ҷумҳурии Тоҷикистон дар Рӯзномаи ҷаҳонии обу иқлим ва қабул гардидани ташаббусҳои мамлакати мо аз ҷониби Созмони Милали Муттаҳид ишора намуда, гуфт, ки «таҳти ҳамраисии Ҷумҳурии Тоҷикистон ва Шоҳигарии Нидерланд баргузор гардидани Конфронси оби Созмони Милали Муттаҳид пас аз гузашти беш аз ним аср далели ин аст, ки ин конфронс дар рӯзномаи ҷаҳонии об саҳифаи наве боз намуд».
Гуфта шуд, ки дар Тоҷикистон «Стратегияи миллии оби Ҷумҳурии Тоҷикистон барои давраи то соли 2040», «Барномаи ислоҳоти соҳаи оби Ҷумҳурии Тоҷикистон барои солҳои 2016-2025» ва «Барномаи давлатии таъмини оби нӯшокӣ ва рафъи обҳои партов барои солҳои 2025-2029» қабул ва амалӣ мегарданд.
Гузариш ба иқтисоди «сабз» яке аз ҳадафҳои стратегии миллии мо буда, он санги асоси дидгоҳи дарозмуддати рушди Тоҷикистон ба шумор меравад. Имрӯз зиёда аз 98 фоизи неруи барқи Тоҷикистон аз неруи обӣ тавлид мегардад ва мо ният дорем то соли 2032 100 фоиз ба истеҳсоли барқи аз манбаъҳои барқароршаванда даст ёбем.
Дар анҷоми суханронӣ Далер Ҷумъа аз ҳозирин барои иштирок дар Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028», ки баргузории он соли оянда дар назар аст, даъват ба амал овард.
АКС: Вазорати энергетика ва захираҳои оби Ҷумҳурии Тоҷикистон
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
