Дар ноҳияи Деваштич шудгори заминҳо оғоз гардид
ДУШАНБЕ, 16.11.2025 /АМИТ «Ховар»/. Бо мақсади фаровонҳосилии соли оянда кишоварзони ноҳияи Деваштичи вилояти Суғд шудгори заминро оғоз намуданд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Деваштич хабар доданд.
Дар ноҳия барои иҷро намудани шудгори босифат беш аз 200 техникаи кишоварзӣ ҷалб гардидааст.
Ба таъкиди олимони соҳаи кишоварзӣ, шудгори заминҳо дар фасли тирамоҳ, агар аз як тараф ба ғанисозии таркиби хок мусоидат намояд, аз ҷониби дигар, барои баландшавии ҳосили ғалладонагиҳо заминаи устувор мегузорад.
Имсол тибқи нақша кишти тирамоҳӣ дар ноҳия дар 16 ҳазору 750 гектар муқаррар гардидааст. То имрӯз дар 10 ҳазор гектар тухмии ғалладонагӣ кишт карда шудааст.
Ноҳияи Деваштич дар Ҷумҳурии Тоҷикистон дар раванди истеҳсоли ғалладонагӣ ҳамзамон бо кишту парвариш ва истеҳсоли картошка шуҳрат пайдо кардааст. Имсол деҳқонони ноҳия аз майдонҳои картошка қариб 300 ҳазор тонна ҳосил ҷамъоварӣ намуданд.
Ба иттилои масъулин, дар нуҳ моҳи соли равон кишоварзони ноҳия барои таъмини рушди соҳа тадбирҳои судманд андешида, ҳаҷми маҳсулоти умумии кишоварзиро дар ҳама шаклҳои хоҷагидории ноҳия ба 1 миллиарду 519 миллиону 808,9 ҳазор сомонӣ расониданд, ки 102,7 фоизро ташкил дод.
АКС: АМИТ «Ховар»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
