Дар соҳили дарёҳои шаҳри Ваҳдат корҳои соҳилмустаҳкамкунӣ ҷараён доранд
ДУШАНБЕ, 07.11.2025 /АМИТ «Ховар»/. Бо мақсади пешгирӣ аз офатҳои табиӣ дар шаҳри Ваҳдат корҳои соҳилмустаҳкамкунӣ вусъат меёбанд. Зеро ҳамасола бар асари боронҳои пай дар пай сатҳи об баланд шуда, ба заминҳои корами кишоварзӣ хисорот мерасонад. Дар ин хусус ба хабарнигори АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Ваҳдат хабар доданд.
Бо дастгирии мақомоти иҷроияи ҳокимияти давлатии шаҳр, ҷамоатҳои шаҳраку деҳот, ташкилоту муассисаҳо ва соҳибкорони ватанӣ дар Ҷамоати шаҳраки Н. Розиқ, дар соҳили рости дарёи Кофарниҳон, воқеъ дар бозори Хайриён дар масофаи 150 метр корҳои соҳилмустаҳкамкунӣ ба анҷом расонида шудааст.
Сутунпояи пули болои дарёи Кофарниҳон аз тарафи бозори Хайриён, ки дар ҳолати садамавӣ қарор дошт, барқарор карда шуда, айни замон рафту омади шаҳрвандон бехатар гардидааст.
Ҳамчунин бо дастгирии аҳолӣ тоза намудани канали Роҳатии Ҷамоати деҳоти Баҳор, корҳои соҳилмустаҳкакунии соҳили дарёи Симиганҷ дар ҳудуди Ҷамоати шаҳраки Н. Розиқ ва маҳаллаи Наврӯз дар масофаи 300 метр анҷом дода шуд.
Дар деҳаҳои Симиганҷ ва Арбобии Ҷамоати деҳоти Симиганҷ ба масофаи 120 метр дар соҳили дарёи Симиганҷ барои пешгирии офатҳои табиӣ, омадани сел симтур хобонида шудааст. Ба ин васила, тибқи лоиҳа, аз ҷониби соҳибкорони ватанӣ дар соҳили дарёи Кофарниҳон, дар ҳудуди деҳаи Зафарёби Ҷамоти деҳоти Симиганҷ корҳо ба масофаи 875 метр бо хобонидани таҳкурсӣ ва деворҳои иҳотавии бетонӣ ба анҷом расонида шуданд.
АКС: АМИТ «Ховар»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
