Дар Тоҷикистон моҳи октябр сатҳи оби дарёҳо кам гардидааст
ДУШАНБЕ, 18.11.2025 /АМИТ «Ховар»/. Моҳи октябри соли равон дар ҳавзаи дарёҳои ҷумҳурӣ пастшавии сатҳи об ба қайд гирифта шуд. Дар ин хусус ба АМИТ «Ховар» сардори шуъбаи пешгӯйии обшиносии Маркази пешгӯии обуҳавосанҷии Агентии обуҳавошиносии мамлакат Сафархон Шарофиддинов иттилоъ дод.
Обнокии дарёҳои ҷумҳурӣ асосан аз захираҳои мавсимии барф, ки дар давраи тирамоҳу зимистон (аз моҳи октябр то охири март) дар болооби ҳавзаҳои дарёҳо ташаккул меёбад, вобастагӣ дорад.
Мувофиқи мушоҳидаҳои бисёрсолаи гидрологӣ, давраи камобии дарёҳои асосии ҷумҳурӣ аз моҳи октябр то март идома меёбад. Давраи серобшавии дарёҳо (аз ҷумла, Вахш) аз моҳи апрел оғоз гардида, то моҳи сентябр идома мекунад.
Ба иттилои мутахассисони Агентии обуҳавошиносӣ, омили асосии пастшавии сатҳи рӯдхона таъсири тағйирёбии иқлим буда, дар натиҷа майдони пиряхҳо дар болооби ҳавзаи дарёҳо кам мегардад. Ин раванд боиси камшавии об дар ҳавзаи дарёҳои асосии ҷумҳурӣ мешавад.
Давоми моҳи октябр обнокӣ дар ҳавзаи дарёи Вахш дар ҳудуди меъёр- 93 фоиз, дар ҳавзаи дарёи Панҷ аз меъёр кам: 47-73 фоиз, дар ҳавзаи дарёи Кофарниҳон аз меъёр кам ва дар ҳадди меъёр: 81-91 фоиз ва дар ҳавзаи дарёи Зарафшон дар ҳадди меъёр: 90-95 фоиз мушоҳида гардид.
Инчунин дар дарёи Исфара обнокӣ аз меъёр кам- 87 фоиз ва дар дарёи Қаратоғ ин нишондиҳанда дар ҳадди меъёр- 91 фоиз ба мушоҳида расид.
Ҳаҷми оби обанбори Норак давоми моҳи октябр 22 миллион метри мукааб кам гардида, то санаи 31 октябри соли равон 104 миллиону 83 ҳазор метри мукаабро ташкил дод. Ин нисбат ба ҳамин давраи соли 2024 42 миллион метри мукааб кам мебошад.
Ҳаҷми оби обанбори Қайроққум давоми моҳи октябр 512 миллион метри мукааб зиёд гардида, ба санаи 31 октябри соли равон 2 миллиону 066 ҳазор метри мукаабро ташкил дод. Ин нисбат ба ҳамин давраи соли 2024 472 миллион метри мукааб кам мебошад.
Мувофиқи меъёр, сатҳи оби обанбори Норак бояд дар сатҳи 910 метр бошад.
АКС: АМИТ «Ховар»
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
