ИСТИФОДАИ САМАРАНОКИ ЗАМИН. Дар ноҳияи Фархор ҳамоиши илмию амалӣ доир шуд
ДУШАНБЕ, 28.11.2025 /АМИТ «Ховар»/. 27 ноябр дар ноҳияи Фархор ҳамоиши илмию амалии минтақавӣ баргузор гардид. Ҳамоиш дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки 28 декабри соли 2024 дар Паём ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» дода буданд, инчунин вазифаҳое, ки Пешвои миллат дар маҷлиси Ҳукумати Ҷумҳурии Тоҷикистон 31 октябри соли 2025 бо назардошти омилҳои пешгӯинашаванда, тағйирёбии иқлим ва оқибатҳои ногувори он барои ҷамъоварии беталафи ҳосил, суръатбахшӣ ба кишти тирамоҳӣ, истифодаи оқилонаю самараноки ҳар порча замин баён доштанд, доир шуд.
Тавре ба АМИТ «Ховар» аз Вазорати кишоварзии Ҷумҳурии Тоҷикистон иттилоъ доданд, ҳадафи баргузории ҳамоиш аз таҳлилу баррасии дарёфти роҳу усулҳои нави кишти тирамоҳии зироати кишоварзӣ, аз ҷумла ғалладонагиҳо, зироати равғандиҳанда дар заминҳои лалмӣ ва таъмини сифати шудгор иборат буд.
Иброз гардид, ки татбиқи технологияҳои муосир, вусъатбахшӣ ба кишти тирамоҳӣ ва расонидани ёрии машваратию амалӣ ба хоҷагидорон ба интихобу парвариши навъҳои тезрасу серҳосил ва ба касалию зараррасонҳо устувори зироати кишоварзӣ мусоидат мекунад.
Муовини Сарвазири Ҷумҳурии Тоҷикистон Сулаймон Зиёзода зимни ҳамоиш оид ба иҷрои саривақтии дастуру супоришҳои Пешвои миллат муҳтарам Эмомалӣ Раҳмон дар тамоми бахшҳои соҳаи кишоварзӣ, истифодаи самараноки обу замин, риояи агротехникии кишту парвариш, амалӣ намудани технологияҳои инноватсионӣ, истифодаи тухмиҳои хушсифат, баланд бардоштани ҳосилнокӣ, таъмини бозорҳои истеъмолии мамлакат бо маҳсулоти худӣ ва кам кардани воридот ба масъулин тавсияҳои мушаххас доданд.
Олимон ва мутахассисони соҳа самтҳои афзалиятноки соҳаи кишоварзӣ ва истифодаи самараноки заминҳо, технологияи кишти тирамоҳии зироати ғалладонагӣ, пешниҳоди тухмиҳои баландсифат, ворид намудани нуриҳои маъданӣ, агротехникаи парвариши зироати ғалладонагӣ дар заминҳои лалмии аз бориш таъмин ва доир ба дигар масъалаҳо тавсияҳо пешниҳод намуданд.
Барои расидан ба яке аз ҳадафҳои стратегии мамлакат- таъмини амнияти озуқаворӣ кишти тирамоҳии зироати ғалладонагӣ, бахусус парвариши гандум дар кишти тирамоҳӣ нақши муҳим дорад. Мустаҳкам намудани робитаи илм бо истеҳсолот, вусъат бахшидани технологияи парвариши кишти тирамоҳии зироати кишоварзӣ ва баланд бардоштани ҳосилнокии он масъалаи муҳим ва тақозои замона мебошад.
АКС: Вазорати кишоварзии Ҷумҳурии Тоҷикистон
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
