Намояндаи Академияи миллии илмҳои Тоҷикистон дар ҷаласаи Шуро оид ба ҳамкорӣ дар соҳаи илмҳои бунёдӣ дар Москва иштирок намуд
ДУШАНБЕ, 24.11.2025 /АМИТ «Ховар»/. Дар шаҳри Москва ҷаласаи XIII Шуро оид ба ҳамкорӣ дар соҳаи илмҳои бунёдии кишварҳои аъзои Иттиҳоди Давлатҳои Мустақил баргузор гардид, ки дар он директори Институти физикаю техникаи ба номи Султон Умарови Академияи миллии илмҳои Тоҷикистон Афзалшоҳ Зарифзода иштирок намуд.
Тавре АМИТ «Ховар» бо истинод ба Академияи миллии илмҳо хабар медиҳад, дар кори ҷаласа ҳайатҳои расмии кишварҳои Иттиҳоди Давлатҳои Мустақил, намояндагони Кумитаи иҷроияи Иттиҳоди Давлатҳои Мустақил, роҳбарони академияҳои илмҳо ва муассисаҳои бонуфузи илмии кишварҳои Иттиҳоди Давлатҳои Мустақил иштирок намуданд.
Дар ҷаласа масъалаҳои асосии рушди ҳамкории байнидавлатӣ дар соҳаи илм баррасӣ шуданд. Аъзои Шуро ҳисоботро оид ба иҷрои қарорҳои ҷаласаи қаблӣ шунида, инчунин тадбирҳои густариши ҳамгироии илмӣ ва тавсеаи таҳқиқоти муштараки бунёдиро мавриди муҳокима қарор доданд.
Аз ҷониби Шуро тарҳи Стратегияи рушди илм дар кишварҳои аъзои Иттиҳоди Давлатҳои Мустақил, таъсиси шабакаи марказҳои таълимӣ ва илмӣ-таҳқиқотӣ дар асоси муассисаҳои пешсафи кишварҳои Иттиҳоди Давлатҳои Мустақил, омодасозии тарҳи Барномаи байнидавлатии таҳқиқоти бунёдӣ, таъсиси маҷаллаи нави илмии байнидавлатии «Илми ИДМ» ва дигар ташаббусҳо дастгирӣ ва тасдиқ гардиданд.
Намояндаи Академияи миллии илмҳои Тоҷикистон дар муҳокимаи масъалаҳои рушди кадрҳои илмӣ, такмили инфрасохтори таҳқиқотӣ ва тавсеаи барномаҳои ҳамгироӣ фаъолона иштирок намуд. Иброз гардид, ки дар соҳаи омодасозии мутахассисони илмҳои физикаю техника Институти физикаю техника ҳамчун созмони пойгоҳии эътирофшуда дар минтақа нақши муҳим бозида, дорои имконияти бузурги илмӣ-таълимӣ мебошад.
Қарорҳои қабулгардида барои ҷалби муассисаҳои илмии Ҷумҳурии Тоҷикистон ба лоиҳаҳои бузурги муштарак, барномаҳои байниакадемӣ ва ташаккули равишҳои ягонаи рушди илмҳои бунёдӣ дар фазои Иттиҳоди Давлатҳои Мустақил имконияти нав фароҳам меоранд.
Ҷаласаи навбатии Шуро соли 2026 дар шаҳри Алматои Қазоқистон доир мегардад.
АКС: Академияи миллии илмҳои Тоҷикистон
Маркази барномаҳои байналмилалии Тоҷикистон ва Донишгоҳи Сент-Ҷорҷи Гренада ҳамкориро густариш медиҳанд
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
Дар Донишгоҳи технологии Тоҷикистон бахшида ба Рӯзи Парчами Тоҷикистон конференсияи илмӣ-амалӣ баргузор шуд
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Рушди соҳаи таҳсилоти ибтидоӣ ва миёнаи касбӣ бо намояндагони Агентии Корея оид ба ҳамкории байналмилалӣ баррасӣ шуд
Дар Донишгоҳи байналмилалии забонҳои хориҷии Тоҷикистон бахшида ба 1045-солагии Абуалӣ ибни Сино ҳамоиши байналмилалӣ доир шуд
