Раёсати дар Шурои авиатсия ва истифодаи фазои ҳавоии ИДМ ба Тоҷикистон гузашт
ДУШАНБЕ, 22.11.2025 /АМИТ «Ховар»/. 20 ноябр дар шаҳри Москав дар Кумитаи авиатсияи байнидавлатӣ ҷаласаи 47-уми Шурои авиатсия ва истифодаи фазои ҳавоии Иттиҳоди Давлатҳои Мустақил баргузор гардид, ки дар он Директори Агентии авиатсияи гражданӣ назди Ҳукумати Ҷумҳурии Тоҷикистон Хабибулло Назарзода иштирок ва суханронӣ намуд.
Дар ҷаласа таъкид шуд, ки фаъолияти Шуро намунаи муносибати созанда барои ҳалли масъалаҳои мавриди таваҷҷуҳ, ҷустуҷӯи роҳҳои беҳтари расидан ба ҳадафҳои рушди соҳа ва омодагии кишварҳо барои амалисозии лоиҳаҳои байнидавлатии муҳим ба ҳисоб меравад.
Ҳамчунин таъкид гардид, ки кори муштарак барои мувофиқа кардани Ёддошти тафоҳум дар бораи таҳия ва истифодаи системаҳои ҳавопаймоҳои бесарнишин ба ҳамкории кишварҳои Иттиҳоди Давлатҳои Мустақил дар бахши нақлиёт такони нав хоҳад бахшид. Ин санад ба рӯзномаи ҷаласа ва Нақшаи чорабиниҳои афзалиятнок оид ба татбиқи Консепсияи ҳамоҳангсозии системаҳои миллии идоракунии ҳаракати ҳавоӣ дохил карда шудааст.
Чорабиниҳои Нақша ба ҳамоҳангсозии низомҳои миллии аэронавигатсионӣ равона гардида, ҳадафи онҳо таъмини амнияти бештари парвозҳои авиатсияи гражданӣ ва баланд бардоштани самаранокии иқтисодии истифодаи фазои ҳавоии кишварҳои аъзои Иттиҳоди Давлатҳои Мустақил мебошад.
Лоиҳаи ҳуҷҷат минбаъд барои пешниҳоди баррасӣ ба мақомоти олии Иттиҳоди Давлатҳои Мустақил ба Кумитаи иҷроияи Иттиҳод супорида мешавад.
Зимни ҷаласа бо қарори роҳбарони ҳайатҳо Раёсат дар Шурои авиатсия ва истифодаи фазои ҳавоӣ кишварҳои Иттиҳоди Давлатҳои Мустақил аз Федератсияи Русия ба Ҷумҳурии Тоҷикистон гузашт. Таъкид шуд, ки Тоҷикистон дар таҳкими ҳамкории ниҳодҳои авиатсионии кишварҳои ИДМ саҳми арзанда хоҳад гузошт.
Иштирокчиёни ҷаласа доираи васеи масъалаҳои рӯзномаро баррасӣ намуда, дар анҷом протоколи ҷаласаи 47-уми Шурои авиатсия ва истифодаи фазои ҳавоиро имзо карданд.
АКС: Департаменти ҳамкории иқтисодии Кумитаи иҷроияи ИДМ
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
