Дар Бонки миллии Тоҷикистон масъалаи бартарафсозии омилҳои коррупсионӣ баррасӣ гардид
ДУШАНБЕ, 04.12.2025 /АМИТ «Ховар»/. Дар Бонки миллии Тоҷикистон оид ба масъалаҳои пешгирӣ ва бартараф намудани сабабу омилҳое, ки ба содир гардидани ҷиноятҳои дорои хусусияти коррупсионӣ мусоидат мекунанд ва татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» ҷаласа доир шуд.
Тавре аз Бонки миллии Тоҷикистон ба АМИТ «Ховар» хабар доданд, зимни ҷаласа иштирокчиён таъсири манфии коррупсия ба рушди иҷтимоию иқтисодии мамлакат, пайомадҳои он ва роҳҳои пурзӯр намудани мубориза бо ин зуҳуроти номатлубро муҳокима намуданд.
Муовини раиси Бонки миллии Тоҷикистон Гулбаҳор Назирӣ иброз дошт, ки коррупсия яке аз монеаҳои ҷиддии рушди ҷомеа буда, эътимодро коҳиш медиҳад, муҳити иқтисодиро халалдор месозад ва бар хилофи принсипҳои адолати иҷтимоӣ амал менамояд.
Тоҷикистон аз рӯзҳои аввали ба даст овардани Истиқлоли давлатӣ бо ташаббусҳои созандаи Президенти Ҷумҳурии Тоҷикистон муҳтарам Эмомалӣ Раҳмон бар зидди коррупсия заминаҳои устувори ҳуқуқию ташкили муборизаро фароҳам овардааст.
Мубориза бо коррупсия танҳо вазифаи мақомоти ҳифзи ҳуқуқ набуда, ҳар шаҳрванд бояд бо ин зуҳурот муқовимат намояд ва дар пешгирии он саҳм гузорад.
«Дар мубориза бо амалҳои коррупсионӣ бетарафӣ раво нест ва ҳар шахс бояд дар раванди ташаккули тафаккури зиддикоррупсионӣ саҳм гузорад», — баён гардид дар ҷаласа.
Ба иштирокчиён зарурати тақвияти доимии корҳои пешгирӣ, баланд бардоштани фарҳанги ҳуқуқӣ ва фароҳам овардани муҳити оштинопазир нисбат ба амалҳои коррупсионӣ фаҳмонида шуд.
АКС: Бонки миллии Тоҷикистон
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
ҚУРБИ АСЪОР: 1 доллари ИМА аз 9.4800 то 9.4900 сомонӣ муқаррар шудааст
