Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
ДУШАНБЕ, 26.12.2025 /АМИТ «Ховар»/. Дар моҳҳои январ-сентябри соли 2025 ба иқтисодиёти вилояти Суғд ба маблағи 836,9 миллион доллари амрикоӣ сармоягузории ватанию хориҷӣ ҷалб гардидааст,ки баробари 105,2 фоизи ҳаҷми сармоягузории ҷалбшуда дар ҳамин давраи соли 2024 мебошад. Дар ин хусус зимни баргузории иҷлосияи чоруми Маҷлиси вакилони халқи вилояти Суғд, даъвати ҳафтум иттилоъ дода шуд.
Тавре ба АМИТ «Ховар» аз хадамоти матбуоти Раиси вилояти Суғд иттилоъ доданд, барои фароҳам овардани муҳити мусоиди сармоягузорӣ дар доираи ҷалби сармояи дохилию хориҷӣ дар соли 2025 тадбирҳои мушаххас андешида шуданд.
Ҳамзамон 631,3 миллион доллар сармояи хориҷӣ ва 205,6 миллион доллар сармояи ватанӣ ба соҳаҳои гуногуни иқтисодиёти вилоят равона шудааст.
Иттилоъ дода шуд, ки дар заминаи рушди сохтмони биноҳои баландошёна ҳаҷми сармоягузории соҳибкорони ватанӣ нисбат ба ҳамин давраи соли 2024 1,5 баробар афзудааст.
Ҳамчунин дар нуҳ моҳи соли 2025 воридоти сармояи мустақим ба маблағи 187,3 миллион доллар ва ҳар гуна сармоягузориҳо ба маблағи 421,2 миллион доллар ба соҳаҳои иқтисодиёти вилоят равона гардидааст.
Соли 2025 ба истиқболи ҷашни 35-солагии Истиқлоли давлатии Ҷумҳурии Тоҷикистон дар вилояти Суғд ба истифода додани 140 корхонаю коргоҳи нави саноатӣ пешбинӣ гардидааст. Дар натиҷаи тадбирҳои андешида давоми 11 моҳи соли 2025 дар миқёси вилоят 133 корхонаю коргоҳи нав бо 1442 ҷойи нави кор ба фаъолият шуруъ намуд. Корхонаҳои навтаъсис асосан корхонаҳои соҳаи саноати истеҳсоли масолеҳи сохтмон, хӯрокворӣ ва сабук буда, ба таъмини бозори дохилӣ бо маҳсулоти истеҳсоли ватанӣ ва воридотивазкунанда мусоидат намуданд.
АКС: Хадамоти матбуоти Раиси вилояти Суғд
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
Дар Конфронси ФАО дар Душанбе тағйирёбии иқлим, аз байн рафтани гуногунии биологӣ ва вайроншавии замин баррасӣ шуд
Иқтидори кишоварзию саноатии Тоҷикистон дар «Dushanbe EXPO Centre» ба маърази тамошо гузошта шуд
Жанна Исина: «Баргузории конфронси сатҳи баланд дар Душанбе мавқеи байналмилалии Тоҷикистонро тақвият медиҳад»
Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд
Мудири кулли ФАО Тсюй Дунъюй: «Ба Президенти Тоҷикистон барои дар сатҳи баланд баргузор намудани Конфронси 35-уми минтақавии СММ изҳори миннатдорӣ менамоям»
Беш аз 8 миллиард доллар сармоягузорӣ: натиҷаҳои мулоқоти Пешвои миллат Эмомалӣ Раҳмон бо роҳбарони ширкатҳои Чин дар Пекин
Дар Душанбе модели ҳамкории минтақавӣ ва табодули дониш баррасӣ гардид
Тсюй Дунъюй ба муборизаи муштарак бо таҳдидҳои иқлимию иқтисодӣ даъват намуд
Агаси Арутюнян: «Конфронси 35-уми минтақавии ФАО барои муаррифии дастовардҳои Тоҷикистон ва иқтидори кишоварзии он имконияти васеъ фароҳам меорад»
Байни ширкатҳои Тоҷикистону Чин 28 санади ҳамкорӣ ба маблағи умумии 647 миллион доллари амрикоӣ ба имзо расид
Дар Душанбе Конфронси 35-уми минтақавии Созмони озуқаворӣ ва кишоварзии СММ ифтитоҳ гардид
