Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
ДУШАНБЕ, 06.12.2025 /АМИТ «Ховар»/. Раёсати Вазорати корҳои дохилӣ дар шаҳри Душанбе ба диққати шаҳрвандон мерасонад, ки фурӯшу паҳнсозӣ ва истифодаи маводи тарфгарӣ тибқи талаботи қонунгузорӣ манъ буда, ҳамчун ҷиноят арзёбӣ мегардад.
Тавре аз ин раёсат ба АМИТ «Ховар» хабар доданд, нафароне, ки ба фурӯши чунин мавод машғул мешаванд, тибқи талаботи моддаи 199 иловаи 1 Кодекси ҷиноятии Ҷумҳурии Тоҷикистон ба ҷавобгарӣ кашида мешаванд.
Мувофиқи ин модда нисбат ба чунин шахсон ҷаримаи маъмурӣ ба андозаи аз сад то панҷсад нишондиҳанда барои ҳисобҳо ё маҳрум сохтан аз озодӣ ба муҳлати аз як то ду сол ҷазо таъйин карда мешавад.
Милитсияи пойтахт аз шаҳрвандон қатъиян талаб менамояд, ки аз фурӯшу паҳнсозӣ ва истифодаи маводи тарфгарӣ худдорӣ намоянд.
Новобаста аз таъкидҳои пайвастаи масъулин нафароне ҳастанд, ки талаботи қонунгузориро риоя накарда, бо амалу рафтори худ ва истифодаи ғайриқонунии маводи тарфгарӣ оромии шаҳрвандонро халалдор месозанд.
Чанде пеш кормандони шуъбаи Вазорати корҳои дохилӣ дар ноҳияи Сино сокини 34-солаи шаҳри Бохтар Давлатбек Тошматовро ҳангоми ба фурӯш гузоштани маводи тарфгарӣ дастгир намуданд.
Иттилоъ дода шуд, ки номбурда 188 ҳазору 400 дона маводи тарфгарӣ (пиротехникӣ)-ро бо навиштаҷоти «Трения» ба фурӯш гузоштааст.
Нисбат ба Давлатбек Тошматов парвандаи ҷиноятӣ оғоз гардида, тибқи талаботи моддаи 199 иловаи 1 Кодекси ҷиноятии Ҷумҳурии Тоҷикистон маводи зарурӣ тартиб дода шудааст ва мавриди тафтиши пешакӣ қарор дорад.
Раёсати Вазорати корҳои дохилӣ дар шаҳри Душанбе ҳамаи шаҳрвандонро даъват менамояд, ки барои пешгирии истифодаи маводи тарфгарӣ ба милитсия кумак намоянд. Зеро истифодаи бемаврид ва садои баланду гӯшхароши ин мавод оромии шаҳрвандонро халалдор сохта, метавонад ба беморон таъсири манфӣ расонад.
Дар Тоҷикистон мувофиқи қонунгузории мамлакат хариду фурӯш ва истеҳсолу паҳн намудани маводи тарфгарӣ манъ аст. Аммо, мутаассифона, баъзе тоҷирону савдогароне ҳастанд, ки манфиатҳои молиявии шахсии худро аз талаботи қонунгузорӣ боло шуморида, ба хотири ба даст овардани маблағ ғайриқонунӣ ба фурӯшу паҳнсозии он машғул мешаванд.
АКС: Раёсати Вазорати корҳои дохилӣ дар шаҳри Душанбе
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
