35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон корхонаи истеҳсоли масолеҳи сохтмонӣ бунёд мегардад
ДУШАНБЕ, 17.01.2026 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон дар шаҳри Гулистон аз ҷониби Ҷамъияти дорои масъулияти маҳдуди «Дилроз-Ғаюр» корхонаи саноатӣ дар самти истеҳсоли нахҳои базалтии гармнигоҳдоранда бунёд мегардад.
Тавре аз хадамоти матбуоти Раиси вилояти Суғд ба АМИТ «Ховар» иттилоъ доданд, корхонаи саноатӣ дар доираи сиёсати саноатикунонии босуръати мамлакат ва бо ҷалби сармояи хусусӣ сохта мешавад.
Корхона бо саҳми соҳибкорони ватанӣ дар ҳамкорӣ бо шарикони рушд аз Ҷумҳурии Мардумии Чин бунёд шуда, иқтидори истеҳсолии он 50 ҳазор тонна нахҳои базалтии гармнигоҳдоранда дар як солро ташкил медиҳад.
Корхонаи истеҳсоли масолеҳи сохтмонӣ дар 6 гектар бунёд гардида, баъди ба фаъолият оғоз намудани он беш аз 80 сокини маҳаллӣ бо ҷойи кори доимӣ ва маоши хуб таъмин хоҳанд шуд.
Ҳоло барои иҷрои корҳои сохтмонӣ шумораи зиёди сокинони маҳаллӣ ва мутахассисони чинӣ ба кор ҷалб гардидаанд ва корҳои бунёдӣ мутобиқи нақша идома доранд.
Таъкид гардид, ки корҳои сохтмонӣ бо риояи талаботи меъморию техникӣ, стандартҳои сифат ва дар муҳлатҳои муайяншуда анҷом дода мешаванд. Мавриди истифода қарор гирифтани чунин корхонаҳо ба рушди соҳаи саноат, зиёд гардидани ҷойи кор ва таъмини бозори дохилӣ бо маҳсулоти ватанӣ мусоидат мекунад.
АКС: Хадамоти матбуоти Раиси вилояти Суғд
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
