Бахшида ба фаъолияти эҷодии Дона Баҳром ҳамоиши илмӣ –фарҳангӣ баргузор гардид
ДУШАНБЕ, 04.01.2026 /АМИТ «Ховар»/. Дар Муассисаи давлатии таълимии «Донишкадаи давлатии фарҳанг ва санъати Тоҷикистон ба номи Мирзо Турсунзода» бахшида ба фаъолияти эҷодии Ҳунарпешаи шоистаи Тоҷикистон Дона Баҳром таҳти унвони «Саду як таронаи Дона Баҳром» ҳамоиши илмӣ-фарҳангӣ доир шуд. Дар ин хусус ба АМИТ «Ховар» аз ин донишкада хабар доданд.
Зимни ҳамоиш ректори донишкада Маҳмуд Назарзода иброз дошт, ки Дона Баҳром яке аз ҳунармандони сермаҳсули ҷумҳурӣ буда, давоми фаъолияти касбӣ офаридаҳои зиёди ҳунарияш дар хазинаи тиллоии радио сабт гардидаанд.
Дона Баҳром на фақат сурудҳои маълуму анъанавиро бо фасоҳати баланди ба худ хос иҷро мекунад, балки бештар кӯшиш менамояд, ки сурудҳоро бо оҳанги худаш пешкаши мухлисони сершумораш гардонад. Оҳангу сурудҳои офаридааш, аз як тараф анъанаи классикиро дар худ нигоҳ доранд, аз тарафи дигар, вобаста ба талаби замон такмил ёфта, ба қалби сомеон роҳ меёбанд.
Дона Баҳром дар ноҳияи Дарвоз, дар оилаи деҳқон ба дунё омадааст. Соли 1973 факултаи филологияи Донишгоҳи давлатии Тоҷикистонро хатм намуда, солҳои 1975 – 1980 дар мактаби миёнаи таҳсилоти ҳамагонӣ ба номи Чайковскии шаҳри Ваҳдат ба ҳайси муаллим, ҷонишини директор оид ба корҳои таълиму тарбия фаъолият кардааст. Солҳои омӯзгорияш пайваста нозукиҳои санъати классикии созию овозиро меомӯхт.
АКС: Донишкадаи давлатии фарҳанг ва санъати Тоҷикистон ба номи Мирзо Турсунзода
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
«РОБИАИ БАЛХӢ–НАХУСТИН НИДОИ ИШҚ». Бахшида ба 1050-солагии Робиаи Балхӣ ҳамоиши илмӣ–адабӣ доир шуд
Дар Душанбе бо иштироки беш аз 30 муассисаи нашриявӣ намоиши китоб оғоз гардид
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
