Донишҷӯёни 56 филиали кафедраҳои Донишгоҳи аграрии Тоҷикистон дар корхонаҳои пешқадами соҳавӣ фаъолият доранд
ДУШАНБЕ, 29.01.2026 /АМИТ «Ховар»/. Донишҷӯёни донишгоҳ таҷрибаомӯзии истеҳсолӣ ва пешаздипломиашонро дар хоҷагиҳои пешқадами ҷумҳурӣ, ки дар онҳо шароити корию истироҳатӣ фароҳам оварда шудаанд, гузаштанд. Дар донишгоҳ 39 кафедраи тахассусӣ амал мекунад. Вобаста ба ихтисосҳои серталаб бо корхонаю ташкилоти пешқадами соҳавӣ ҳамкорӣ дошта, дар айни замон донишҷӯёни 56 филиали кафедра дар ин корхонаҳо фаъолият доранд. Дар ин хусус 27 январ зимни нишасти матбуотӣ ректори Донишгоҳи аграрии Тоҷикистон ба номи Шириншоҳ Шоҳтемур Усмон Маҳмадёрзода иттилоъ дод.
Бо ташаббуси Ҳукумати Ҷумҳурии Тоҷикистон соли 2025 заминаи хеле мустаҳками таҷрибаомӯзӣ таъсис дода шуд, ки ба инҳо боғоти навбунёд дар минтақаҳои Чоряккорон ва Варзоб-ГЭС дохил мебошанд, ки саҳми донишҷӯёну омӯзгорони донишгоҳ дар шинонидану ободонии онҳо хеле калон мебошад. Дар ин боғот донишҷӯён донишҳои назариявиашонро дар амал татбиқ намуда, дар баробари ин тарзи корбариро дар истеҳсолот меомӯзанд.
«Барои алоқаманд намудани донишҳои назариявӣ ба илму истеҳсолот, такмили малакаи касбии донишҷӯён, иҷрои корҳои илмӣ-таҳқиқотӣ барои навиштани рисолаи хатм дарсҳои амалӣ бештар аз тарафи намояндагони корхонаҳои соҳавӣ гузаронида шуда, донишҷӯён бо истеҳсолот ва касби ояндаи худ аз наздик шинос мешаванд. Қисме аз донишҷӯён баъди таҷрибаомӯзии истеҳсолию пешаздипломӣ дар ин корхонаҳо бо кор таъмин карда мешаванд», — гуфт Усмон Маҳмадёрзода.
Дар нишасти матбуотӣ иттилоъ дода шуд, ки дар соли таҳсили 2025 — 2026 ба донишгоҳ тибқи натиҷаи Маркази миллии тестии назди Президенти Ҷумҳурии Тоҷикистон 1561 нафар қабул карда шуд, ки ба 95,6 фоизи нақша баробар мебошад. 24 нафар тибқи квотаи Президенти Ҷумҳурии Тоҷикистон, ба идомаи таҳсил 56 нафар, маълумоти дуюми олии касбӣ 116 нафар, магистр 40 нафар ва доктор аз рӯйи ихтисос 8 нафар қабул карда шуданд, ки дар маҷмуъ 1805 нафар мебошанд.
Иброз гардид, ки соли 2025 аз тарафи олимону омӯзгорони донишгоҳ 19 китоби дарсӣ, 76 дастури методӣ, 14 монография, 87 тавсиянома ва 1719 мақолаи илмӣ ба нашр расидааст.
АКС: Донишгоҳи аграрии Тоҷикистон ба номи Шириншоҳ Шоҳтемур
Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
Дар Душанбе тақвияти ҳамкории гумрукӣ байни Тоҷикистон ва Узбекистон баррасӣ гардид
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
Ҳаҷми гардиши савдо байни Тоҷикистон ва Эрон 483,9 миллион доллари амрикоиро ташкил дод
Тоҷикистон бо Бонки Осиёии Рушд дар самти рақамикунонии фаъолияти гумрукӣ ҳамкориро густариш медиҳад
Муовини Сарвазири Тоҷикистон бо корҳои созандагию ободонӣ дар ноҳияи Ёвон шинос гардид
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
Дар Хатлон дар беш аз 64 ҳазор гектар тухмгузории малахи марокашӣ ба қайд гирифта шудааст
Ба иқтисоди Тоҷикистон соли 2025 қариб 7 миллиард доллар сармояи хориҷӣ ворид гардид
