Кӯлоб «Шаҳри беҳтарин» ва Данғара «Ноҳияи беҳтарин»-и соли 2025 дар вилояти Хатлон муайян гардиданд
ДУШАНБЕ, 13.01.2026 /АМИТ «Ховар»/. 12 январ дар вилояти Хатлон маросими қадршиносии ғолибони Озмуни вилоятии «Беҳтарин шаҳру ноҳия, шаҳраку деҳот, деҳа, маҳалли аҳолинишин ва хонаи истиқоматӣ дар соли 2025» баргузор гардид. Дар номинатсияи «Шаҳри беҳтарин» шаҳри Кӯлоб сазовори ҷойи аввал гардид.
Ноҳияи Данғара ғолиби озмуни вилоятӣ дар номинатсияи «Ноҳияи беҳтарин» дар соли 2025 дониста шуда, сазовори ҷойи якум гардид.
Тавре аз хадамоти матбуоти Раиси вилояти Хатлон иттилоъ доданд, барои сазовор таҷлил намудани ҷашни 35-солагии Истиқлоли давлатии Ҷумҳурии Тоҷикистон тибқи Қарори Раиси вилояти Хатлон аз 23 феврали соли 2025 Озмуни вилоятии «Беҳтарин шаҳру ноҳия, шаҳраку деҳот, деҳа, маҳаллаи аҳолинишин ва хонаи истиқоматӣ дар соли 2025» гузаронида шуд.
Инчунин дар номинатсияи «Шаҳраки беҳтарин» Ҷамоати шаҳраки Ҳулбуки ноҳияи Восеъ, дар номинатсияи «Ҷамоати беҳтарин» Ҷамоати деҳоти Пушинги ноҳияи Данғара ва дар номинатсияи «Маҳаллаи беҳтарин» маҳаллаи Сомониёни Ҷамоати шаҳраки Хоҷамастони ноҳияи Абдураҳмони Ҷомӣ сазовори ҷойи якум гардиданд. Инчунин дар номинатсияи «Деҳаи беҳтарин» ҷойи якум ба деҳаи Сайроби деҳоти Панҷоби ноҳияи Ҳамадонӣ ва дар номинатсияи «Хонаи истиқоматӣ» ҷойи якум ба хонаи Аваз Тоҷиев, сокини деҳоти “Нури Вахш”-и ноҳияи Дӯстӣ сазовор дониста шуд.
Ҳадафи озмуни вилоятӣ ба сазовор пешвоз гирифтани ҷашни 35-солагии Истиқлоли давлатии Ҷумҳурии Тоҷикистон дар самти ободонӣ ва истифодаи самараноки замин, вусъат додани корҳои ободонӣ, бунёдкорию созандагӣ, ҷалби сармояи соҳибкорони ватанӣ, мусоидат ба рушди иҷтимоию иқтисодӣ, таъсиси ҷойи нави кор дар ҷамоатҳои шаҳраку деҳот, ташвиқу тарғиб ва дастрас намудани таҷрибаи пешқадам, гиромидошти арзишҳои ваҳдати миллӣ, таҳкими соҳибистиқлолӣ, тарғиб ва оммавигардонии суннатҳои беҳтарини миллӣ равона гардидааст.
АКС: Хадамоти матбуоти Раиси вилояти Хатлон
«ПАРЧАМИ ИФТИХОР ДАР ҲАР ХОНА». Дар Хуҷанд таҳти чунин унвон иқдоми худшиносӣ амалӣ мегардад
СОЛИ ОБОДОНИЮ СОЗАНДАГӢ. Дар Ҷамоати деҳоти Урметани ноҳияи Айнӣ ду пойгоҳи обкашӣ ба истифода дода шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илми ҳуқуқшиносӣ ҳамоиш доир шуд
ОБОД СОХТАНИ ВАТАН ИБОДАТ АСТ! Соҳибкорони ҳимматбаланди ватанӣ Мактаби президентии ноҳияи Темурмаликро сохтанд
СОЛИ ВУСЪАТ ДОДАНИ КОРҲОИ ОБОДОНИВУ СОЗАНДАГӢ. Дар Панҷакент 200 иншооти ҷашнии иловагӣ сохта мешавад
Дар ноҳияи Тоҷикобод Боғи интенсивии «35-солагии Истиқлолият» таъсис дода мешавад
«ДАВЛАТМАРД». Бахшида ба 35-солагии Истиқлоли давлатӣ китоби Далер Абдулло ба нашр расид
ОБОД СОХТАНИ ВАТАН ИБОДАТ АСТ! Соҳибкори саховатпеша 30 ҳазор нафар аҳолии Темурмаликро бо оби нӯшокӣ таъмин намуд
Дар ноҳияи Бобоҷон Ғафуров соҳаи саноат рушд меёбад
Дар маҳаллаи Сангин Ниёзови ноҳияи Мастчоҳ Маркази хайриявии таълимию касбомӯзии «Тоҷикона» ба истифода дода шуд
СОЛИ ОБОДОНИЮ СОЗАНДАГӢ. Дар шаҳри Хоруғ беш аз 5 ҳазор гул шинонида шуд
СОЛИ ВУСЪАТ ДОДАНИ КОРҲОИ ОБОДОНИВУ СОЗАНДАГӢ. Дар Мастчоҳ якчанд иншооти иҷтимоӣ ба истифода дода шуд
