Масъалаи харидории ҳавопаймоҳои «COMAC» ва парвозҳои нав ба шаҳрҳои Чин муҳокима гардид
ДУШАНБЕ, 26.01.2026. /АМИТ «Ховар»/. 26 январ вохӯрии директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода бо муовини якуми директори генералии Ширкати истеҳсолкунандаи ҳавопаймоҳои «COMAC» Лян Тсюмин ва роҳбари Ширкати ҳавопаймоии «Chengdu Airlines» Чжу Юйлун баргузор гардид.
Тавре ба АМИТ «Ховар» аз Агентии авиатсияи гражданӣ хабар доданд, зимни вохӯрӣ ҷонибҳо масъалаҳои марбут ба дурнамои харидории ҳавопаймоҳои истеҳсоли ширкати «COMAC» ва имконияти ифтитоҳи хатсайрҳои нави ҳавоиро бо шаҳрҳои дигари Ҷумҳурии Мардумии Чин аз ҷониби Ширкати ҳавопаймоии «Chengdu Airlines» мавриди баррасӣ қарор доданд.
Ҷонибҳо иброз намуданд, ки вохӯрии мазкур ба таҳкими ҳамкории дуҷониба ва рушди соҳаи авиатсияи граждании Ҷумҳурии Тоҷикистон ва Ҷумҳурии Мардумии Чин мусоидат менамояд.
Ёдовар мешавем, ки аз 1 июли соли 2025 аз ҷониби ширкати «Chengdu Airlines» парвозҳо дар хатсайри «Хуҷанд — Қошғар — Хуҷанд» бо басомади як маротиба дар як ҳафта ба роҳ монда шуда, ҳамзамон ширкати мазкур дар нақша дорад, ки парвозҳои худро бо дигар шаҳрҳои Ҷумҳурии Мардумии Чин ба роҳ монад.
АКС: Агентии авиатсияи граждании назди Ҳукумати Ҷумҳурии Тоҷикистон
Дурнамои нишондиҳандаҳои рушди иқтисодию иҷтимоии вилояти Суғд ва минтақаи Рашт муаррифӣ карда шуд
Бахшида ба Рӯзи ҷаҳонии ҳифзи пиряхҳо ва ташаббусҳои ҷаҳонии Тоҷикистон дар соҳаи обу иқлим ва ҳифзи пиряхҳо конфронси миллӣ баргузор шуд
Байни Ҳукумати Ҷумҳурии Тоҷикистон ва Созмони озуқаворӣ ва кишоварзии СММ Ёддошти тафоҳум ба имзо расид
Ҷаласаи 20-уми Кумитаи ҳамоҳангсоз оид ба содагардонии расмиёти савдо баргузор гардид
Ҳамкории Тоҷикистон ва Руминия дар соҳаи алоқа густариш меёбад
Муовини Сарвазири Тоҷикистон бо вазъи корҳои саҳроӣ дар ноҳияи Фархор шинос шуд
Ҳайати Тоҷикистон дар муколамаи сатҳи баланд доир ба татбиқи тарҳи минтақавии «CASA-1000» иштирок намуд
Дар Донишгоҳи давлатии молия ва иқтисоди Тоҷикистон оид ба нақши матбуот дар ташаккули ҳувияти миллӣ ҳамоиш доир гардид
Татбиқи лоиҳаи таҷдиди роҳи мошингарди Душанбе-Кулма баррасӣ гардид
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
