СОЛИ ОБОДКОРИЮ СОЗАНДАГӢ. Мактаб-интернати ятимон ва бепарасторони ноҳияи Муъминобод таъмир карда мешавад
ДУШАНБЕ, 07.01.2026 /АМИТ «Ховар»/. Дар доираи татбиқи сиёсати ятимпарваронаи Президенти Ҷумҳурии Тоҷикистон муҳтарам Эмомалӣ Раҳмон, инчунин бо назардошти Соли вусъат додани корҳои ободониву созандагӣ ва таҳкиму тақвияти худшиносиву худогоҳии миллӣ эълон гардидани соли 2026 бо ташаббуси академики Академияи миллии илмҳои Тоҷикистон Улмас Мирсаидов ва маблағгузории соҳибкорони маҳаллӣ таъмири пурраи ошхона ва хобгоҳи Мактаб-интернати ятимон ва бепарасторони ноҳияи Муъминобод оғоз гардид.
Тавре ба АМИТ «Ховар» аз ин мактаб-интернат хабар доданд, иқдоми мазкур ба беҳтар намудани шароити зист, таълим ва ғизои кӯдакони ятиму бепарастор равона шуда, анҷоми пурраи корҳои таъмирӣ то ҷашни байналмилалии Наврӯз дар назар аст. Дар доираи корҳои ободонӣ навсозии инфрасохтор, беҳдошти шароити санитарӣ, таъмини амнияти истиқомат ва фароҳам овардани муҳити мусоиди таълимӣ пешбинӣ гардидааст.
Сиёсати иҷтимоии давлат, бахусус дастгирии табақаҳои осебпазир, аз ҷумла кӯдакони ятиму бепарастор самти афзалиятноки фаъолияти Ҳукумати Ҷумҳурии Тоҷикистон ба ҳисоб меравад. Дар ин замина ҷалби ҷомеа, олимон ва соҳибкорон ба корҳои хайрхоҳона намунаи ҳамбастагии миллӣ ва масъулияти шаҳрвандӣ арзёбӣ мегардад.
Бояд гуфт, ки корҳои ободониву созандагӣ танҳо масъулияти Ҳукумати мамлакат набуда, балки қарзи шаҳрвандии ҳар сокини мамлакат дар роҳи рушди устувор, таҳкими арзишҳои миллӣ ва тарбияи насли солиму худогоҳ мебошад.
Анҷоми муваффақонаи корҳои таъмирӣ ба беҳтар гардидани сатҳи зиндагии тарбиятгирандагони ин мактаб-интернат мусоидат намуда, ба онҳо умед, эътимод ва ифтихори миллӣ мебахшад.
АКС: Мактаб-интернати ятимон ва бепарасторони ноҳияи Муъминобод
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
Имрӯз дар Тоҷикистон ҳавои камабри бебориш пешгӯӣ мешавад
Дар шаҳри Бӯстон барои баланд бардоштани сифати таҳсил ҳамоиш баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
ИСТИФОДАИ САМАРАНОКИ ЗАМИН. Дар заминҳои кишоварзӣ яхҷуфт идома дорад
Дар Соли нав дар алоқа буданд: чӣ тавр муштариён шаби идро гузарониданд
Имрӯз дар ноҳияҳои алоҳидаи Тоҷикистон туман мефарояд
ЧАРО ТОҶИКИСТОН БА МАСЪАЛАИ ОБ ВА ПИРЯХҲО ТАВАҶҶУҲИ МАХСУС МЕДИҲАД? Пиряхҳои ҷумҳурии мо манбаи ҳаёт барои тамоми Осиёи Марказӣ мебошанд
Кишоварзони шаҳри Ҳисор дар 3 ҳазору 772 гектар замини обӣ шудгор гузарониданд
То 10 январ дар Тоҷикистон ҳавои тағйирёбандаи бебориш пешгӯӣ карда мешавад
