Ҳаҷми гардиши савдо байни Тоҷикистон ва Эрон 483,9 миллион доллари амрикоиро ташкил дод
ДУШАНБЕ, 18.02.2026 /АМИТ «Ховар»/. Ҳаҷми гардиши савдо байни Ҷумҳурии Тоҷикистон ва Ҷумҳурии Исломии Эрон соли 2025 ба 483,9 миллион доллари амрикоӣ баробар гардид. Дар ин хусус 17 феврал зимни вохӯрии Раиси Палатаи савдо ва саноати Ҷумҳурии Тоҷикистон Фарҳодшоҳ Раҳмонализода бо Раиси Палатаи савдо, саноат, маъдан ва кишоварзии шаҳри Теҳрон Маҳмуд Наҷафи Араб иттилоъ дода шуд.
Тавре аз Палатаи савдо ва саноати Ҷумҳурии Тоҷикистон ба АМИТ «Ховар» хабар доданд, дар вохӯрӣ намояндагони ширкату корхонаҳои Ҷумҳурии Исломии Эрон ва намояндагони ширкату корхонаҳои соҳаи сохтмон ва дорусозии Тоҷикистон иштирок намуда, масъалаҳои густариши ҳамкории дуҷониба дар бахшҳои иқтисод, тиҷорат ва сармоягузориро баррасӣ намуданд.
Ҷонибҳо оид ба ташкили миссияҳои соҳибкорӣ, иштироки фаъол дар намоишгоҳҳои байналмилалӣ ва таҳкими робитаҳои мустақим байни доираҳои соҳибкорӣ табодули назар карданд.
Зимни вохӯрӣ доир ба фазои сармоягузорӣ ва имконияти мавҷуда дар Тоҷикистон маълумот пешниҳод гардида, соҳибкорони эронӣ даъват шуданд, ки дар намоишгоҳҳо ва форумҳои байналмилалие, ки соли 2026 дар Тоҷикистон доир карда мешаванд, иштирок намоянд.
АКС: Палатаи савдо ва саноати Ҷумҳурии Тоҷикистон
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
Тоҷикистон бо Бонки Осиёии Рушд дар самти рақамикунонии фаъолияти гумрукӣ ҳамкориро густариш медиҳад
Муовини Сарвазири Тоҷикистон бо корҳои созандагию ободонӣ дар ноҳияи Ёвон шинос гардид
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
Дар Хатлон дар беш аз 64 ҳазор гектар тухмгузории малахи марокашӣ ба қайд гирифта шудааст
Ба иқтисоди Тоҷикистон соли 2025 қариб 7 миллиард доллар сармояи хориҷӣ ворид гардид
Ҳайати Хадамоти гумруки Тоҷикистон дар ҷаласа доир ба татбиқи методологияи «Таҳқиқоти вақти иҷозати мол» иштирок намуд
Ҷаласаи миллӣ оид ба таҳияи дастурамалҳои рушди устувори гидроэнергетикаи хурд баргузор шуд
Масъалаи афзоиши содироти маҳсулоти кишоварзии Тоҷикистон ба Русия баррасӣ гардид
