Ҷаласаи навбатии Шурои ҳамоҳангсозӣ оид ба бехатарии маҳсулоти хӯрокворӣ доир гардид
ДУШАНБЕ, 10.02.2026 /АМИТ «Ховар»/. 9 феврал таҳти раисии муовини Сарвазири Ҷумҳурии Тоҷикистон, Раиси Шурои ҳамоҳангсозӣ оид ба бехатарии маҳсулоти хӯрокворӣ Усмоналӣ Усмонзода ҷаласаи Шурои ҳамоҳангсозӣ оид ба бехатарии маҳсулоти хӯрокворӣ доир гардид. Дар ин хусус ба АМИТ «Ховар» аз Агентии «Тоҷикстандарт» хабар доданд.
Муовини Сарвазири Ҷумҳурии Тоҷикистон зимни натиҷагирии фаъолияти мақомоти аъзои шуро иброз дошт, ки тибқи таҳлилҳо дар самти ҳимояи бозори истеъмолӣ аз воридоти маҳсулоти ғизоии ба саломатӣ хатарнок ва пешгирии истеҳсоли маҳсулоти пастсифат дар ҷумҳурӣ ҳоло ҳам фаъолияти мақомоти аъзои шуро беҳбудиро тақозо менамояд.
Таъкид гардид, ки таъмини сифат ва бехатарии маҳсулоти ғизоӣ омили асосии ҳифзи саломатии аҳолии мамлакат буда, дар ҳамоҳангӣ бо он барои ба роҳ мондани корҳои фаҳмондадиҳӣ ба истеҳсолкунандагону истеъмолкунандагон мунтазам тадбирҳои амалӣ бояд андешида шаванд.
Масъулин оид ба таъмини бехатарии маҳсулоти ғизоӣ ва дар ин замина ҳимояи бозори истеъмолӣ аз воридоти маҳсулоти хӯроквории пастсифат ва ба саломатӣ хатарнок, ҳолатҳои сироятёбии аҳолӣ аз истеъмоли маҳсулоти дар шароити хона тайёргардида, пешгирии бемориҳои қанду фарбеҳӣ ва дар ин робита тақвият додани корҳои фаҳмондадиҳӣ ба аҳолӣ тавассути воситаҳои ахбори омма изҳори назар намуданд.
Иброз гардид, ки ҳоло ҳам баъзе субъектҳои хоҷагидор ва фурӯшандагон аз коҳиш ёфтани санҷишҳо истифода бурда, ба сифати маҳсулоти хӯрокворӣ аҳамияти ҷиддӣ намедиҳанд. Дар ин раванд зарур аст, ки ҳамкорӣ бо воситаҳои ахбори омма тақвият дода шуда, ҳамчунин аз тариқи сомонаҳои иҷтимоӣ корҳои фаҳмондадиҳӣ ба аҳолӣ (ҳам истеҳсолкунандагону воридкунандагон, ҳам истеъмолкунандагон), махсусан дар самти таъмини ғизои солим зиёд карда шавад.
Дар идомаи ҷаласа ҳамзамон масъулин оид ба масъалаи омода намудани мутахассисони касбӣ, ҷорӣ намудани стандарти байналмилалии GLOBAL.G.A.P, ки самтҳои бехатарии соҳаи кишоварзиро ба танзим медарорад, инчунин мушкилоти ҷойдошта дар самти савдо дар ҷойҳои муқаррарнашуда (савдои кӯчагӣ) гузориш доданд.
АКС: Агентии «Тоҷикстандарт»
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
