Ҷаласаи сайёри Комиссияи байниидоравӣ оид ба муқовимат ба савдои одамон доир шуд
ДУШАНБЕ, 13.02.2026 /АМИТ «Ховар»/. 12 феврал дар вилояти Суғд ҷаласаи сайёри Комиссияи байниидоравӣ оид ба муқовимат ба савдои одамон дар вилояти Суғд баргузор гардид. Дар ин хусус АМИТ «Ховар» бо истинод ба Вазорати корҳои дохилии Ҷумҳурии Тоҷикистон хабар медиҳад.
Иштирокчиён аз дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон ёдовар шуда, таъкид доштанд, ки мушкилоти гуногуни муқовимат ба савдои одамон имрӯз дар ҷаҳон ба яке аз муаммоҳои ҳалталаб табдил ёфтаанд. Аз ин рӯ корбарии дастҷамъона ва фаъолияти босамари комиссияҳои байниидоравии муқовимат ба савдои одамон дар шаҳру ноҳияҳо метавонад ба пешгирии ин зуҳуроти номатлуб мусоидат намояд.
Муовини якуми Вазири корҳои дохилии Ҷумҳурии Тоҷикистон Абдураҳмон Аламшозода роҳу усулҳои пешгирикунанда ва механизми муосири корбарӣ ва муқовимат ба савдои одамонро мавриди баррасӣ қарор дод. Иброз гардид, ки афзоиши амалҳои номатлуби савдои одамон боиси поймол гардидани ҳуқуқу озодиҳои шаҳрвандон ва паст гардидани нуфузи давлат дар арсаи байналмилалӣ мегардад.
Таъкид шуд, ки бояд муқовимат ба савдои одамон, муносибат бо қурбониёни савдои одамон, ҳифзи ҳуқуқу озодии инсон ва дигар паҳлуҳои муҳими марбут ба ин самт дар меҳвари фаъолияти комиссияҳо, масъулини дахлдор ва дар маҷмуъ аҳли ҷомеа қарор гирад.
«Дар замони муосир савдои одамон бо шаклу намудҳое, ба мисли меҳнати маҷбурӣ, истисмори шаҳвонӣ, истисмори иқтисодӣ, хизматрасониҳои маҷбурӣ зуҳур карда, объекти ин гуна ҷиноятҳо озодии шахсии инсон мебошад», – изҳор шуд зимни ҷаласа.
Таъкид гардид, ки Ҷумҳурии Тоҷикистон ҳамчун аъзои ҷомеаи ҷаҳонӣ таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон ба масъалаҳои ҳуқуқу озодиҳои инсон аҳамияти авалиндараҷа дода, тибқи меъёри конститутсионӣ арзиши олӣ доштани ҳуқуқи инсонро эътироф менамояд.
Масъалаи дигаре, ки дар ҷараёни ҷаласа ба он таваҷҷуҳ карда шуд, ин ба ҳаёти осоишта баргардонидани шахсони дар содир намудани ҷиноятҳои дорои хусусияти экстремистию террористӣ гумонбар ва гумроҳшудагони тасодуфӣ бо истифода аз сабукиҳои дар қонунҳои амалкунанда пешбинишуда буд. Дар ин самт дастур дода шуд, ки дар минтақаҳо ҳарчи бештар корбарӣ ба роҳ монда шавад.
АКС: Вазорати корҳои дохилии Ҷумҳурии Тоҷикистон
ДАЪВАТИ ТИРАМОҲӢ. Ҷавонони сарбаланди ноҳияи Вахш бо ҳисси баланди ватандӯстӣ ба сафи Артиши миллӣ ҳамроҳ шуданд
Нақшаи даъвати тирамоҳӣ дар ҷамоатҳои деҳоти Ворух ва Чоркӯҳи шаҳри Исфара дар рӯзи якум иҷро гардид
Дар Фархор нақшаи даъвати тирамоҳии ҷавонон ба сафи Қувваҳои Мусаллаҳи Тоҷикистон иҷро гардид
Ноҳияи Данғара нақшаи даъвати тирамоҳиро дар рӯзи якум иҷро намуд
Дар ноҳияи Айнӣ ҳамоиши ботантанаи гусели наваскарон ба хизмати ҳарбӣ доир шуд
Ноҳияҳои минтақаи Рашт нақшаи даъват ба сафи Артиши миллиро 100 фоиз иҷро намуданд
ДАЪВАТИ ТИРАМОҲӢ. Нақшаи даъвати ҳарбии ҷавонон ба сафи Артиши миллӣ дар Норак дар рӯзи якум иҷро шуд
РИСОЛАТИ ҶАВОНМАРДӢ. Вилояти Мухтори Кӯҳистони Бадахшон нахустин шуда, нақшаи даъвати ҷавонон ба сафи Артиши миллиро 101 фоиз иҷро намуд
Ҷаласаи навбатии Шурои вазирони корҳои дохилии кишварҳои аъзои ИДМ доир шуд
Дар Қазон ҷаласаи 24-уми прокурорҳои генералии кишварҳои аъзои Созмони ҳамкории Шанхай баргузор шуд
ДАЪВАТИ ТИРАМОҲӢ. Ҷавонони сарбаланди ноҳияи Вахш бо ҳисси баланди ватандӯстӣ ба сафи Артиши миллӣ ҳамроҳ шуданд
ДАЪВАТИ ТИРАМОҲӢ. Дар шаҳри Гулистон нақшаи даъвати ҷавонон ба хизмати ҳарбӣ 100 фоиз иҷро шуд
