Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд

ДУШАНБЕ, 12.02.2026 /АМИТ «Ховар»/. Дар Муассисаи давлатии таълимии «Литсей барои хонандагони болаёқат» дар шаҳри Душанбе бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар доираи Ҳафтаи фанни математика конференсияи илмӣ баргузор гардид. Дар ин хусус ба АМИТ «Ховар» аз ин муассиса хабар доданд.

Зимни конференсия директори муассиса Одил Сироҷиддинзода оид  ба ҳадафу вазифаҳои «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», зарурати таҳкими сифати таълим ва ҷалби хонандагон ба фаъолияти илмӣ-таҳқиқотӣ ибрози назар намуд.

Дар идомаи конференсия маърузаҳои илмӣ пешниҳод гардида, масъалаҳои мубрами алгебра, назарияи ададҳо ва такмили усулҳои муосири таълими математика мавриди баррасӣ қарор гирифтанд.

Чорабинӣ собит сохт, ки ҳамгироии мактаб ва илм, пайванди устодону олимон ва ташаккули муҳити рақобатпазири зеҳнӣ заминаи  устувори рушди илму маорифи миллӣ мебошад.

АКС: Муассисаи давлатии таълимии «Литсей барои хонандагони болаёқат» дар шаҳри Душанбе