Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
ДУШАНБЕ, 20.02.2026 /АМИТ «Ховар»/. Татбиқи зеҳни сунъӣ дар идоракунии давлатии Тоҷикистон дар Саммити байналмилалии «AI Impact Summit», ки аз 16 то 20 феврал дар шаҳри Деҳлии Нави Ҳиндустон баргузор гардид, аз ҷониби роҳбарияти Агентии инноватсия ва технологияҳои рақамии назди Президенти Ҷумҳурии Тоҷикистон муаррифӣ гардид.
АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон иттилоъ медиҳад, ки зимни суханронии роҳбарияти Агентӣ инчунин рушди иқтисоди рақамӣ ва таҳкими заминаҳои меъёрии ҳуқуқӣ мавриди таҳлил қарор гирифт. Таъкид гардид, ки Тоҷикистон марҳила ба марҳила инфрасохтори рақамӣ ва иқтидори кадрии соҳаро барои воридсозии технологияҳои зеҳни сунъӣ тақвият мебахшад.
Таҷрибаи кишварҳои пешсаф бозгӯи он аст, ки истифодаи зеҳни сунъӣ дар бахшҳои хизматрасонии давлатӣ, тандурустӣ, маориф, молия ва саноат метавонад самаранокии идоракуниро баланд бардорад.
Дар доираи саммит бо намояндагони ширкатҳо ва созмонҳои байналмилалӣ мулоқоти дуҷониба баргузор гардида, масъалаҳои ҳамкории муштарак ва ҷалби сармоя баррасӣ шуданд.
Иштирок дар саммит ба таҳкими мавқеи байналмилалии ҷумҳурӣ дар самти инноватсия ва технологияҳои рақамӣ мусоидат менамояд.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
Масоили коркарди дубора ва ивази мавод барои кам кардани хатари партовҳои пластикӣ баррасӣ гардид
Вазорати нақлиёти Тоҷикистон оид ба андозаи нави ҷаримаҳо барои вайрон кардани қоидаҳои ҳаракат дар роҳ маълумот медиҳад
Дурнамои ҳамкории иқтисодию тиҷоратии Тоҷикистон ва Эрон муҳокима гардид
