Дар шаҳри Турсунзода беш аз 6 ҳазор бех ниҳол шинонида шуд
ДУШАНБЕ, 23.01.2026 /АМИТ «Ховар»/. Беш аз 6 ҳазор бех ниҳоли дарахтони ҳамешасабзу ороишӣ ва сояафкан, аз ҷумла павловния, сада, сафедори калифорниягӣ зимни маъракаи ниҳолшинонӣ, ки дар шаҳри Турсунзода баргузор гардид, шинонида шуд, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Дар маъракаи ниҳолшинонӣ, ки бо ташаббуси шуъбаи ҳифзи муҳити зисти шаҳр баргузор гардид, зиёда аз 6 ҳазор сокинони ҷамоатҳои деҳот ва кормандони касбу кори гуногуни шаҳр фаъолона иштирок намуда, дар ободонӣ ва сабзазоркунии муҳити зист саҳми сазовор гузоштанд.
Иқдоми мазкур ба беҳтар намудани вазъи экологӣ, васеъ намудани майдонҳои сабз ва баланд бардоштани маърифати экологии аҳолӣ мусоидат менамояд.
Гуфта шуд, ки дар доираи татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» соли 2026 дар шаҳри Турсунзода беш аз 22 ҳазор бех ниҳоли дарахтони ҳамешасабзу ороишӣ ва сояафкану мевадиҳанда шинонида мешавад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар шаҳру ноҳияҳои Хатлон корҳои безараргардонӣ бар зидди малах идома доранд
Ба кормандони Хадамоти гумруки Тоҷикистон тақвияти чораҳои зиддикоррупсионӣ тавзеҳ дода шуд
Дар Тоҷикистон дар беш аз 23 ҳазор гектар пунбадона кишт намудаанд
«ДОЛОНИ САБЗ». Роҳи «Данғара-Гулистон» дар доираи ин барнома навсозӣ карда мешавад
Дар Душанбе таҳкими ҳамкории Тоҷикистон бо БОР дар соҳаи обу энергетика баррасӣ шуд
Дар минтақаҳои кӯҳии Тоҷикистон саршумори бузи кӯҳии Морхӯр ба ҳисоб гирифта шуд
Марҳилаи дуюми лоиҳаи «Сохтмони шабакаҳои барқӣ дар деҳоти Ромит» оғоз гардид
Мубориза бо коррупсия омили калидии таҳкими давлатдории миллӣ аст
Дар ноҳияи Бобоҷон Ғафуров соҳаи саноат рушд меёбад
Кишоварзони шаҳри Панҷакент дар 2500 гектар картошкаи барвақтӣ кишт менамоянд
Барои риоя накардани қоидаҳои ҳифзи муҳити зист дар минтақаи Рашт нисбат ба 13 нафар санад тартиб дода шуд
ИСТИФОДАИ САМАРАНОКИ ЗАМИН. Дар ноҳияи Вахш ҷамъоварии қулфинай оғоз гардид
