НИШАСТИ МАТБУОТӢ. Дар Тоҷикистон соли 2025 беш аз 200 ҳодисаи табиӣ ба амал омадааст
ДУШАНБЕ, 06.02.2026 /АМИТ «Ховар»/. Дар Тоҷикистон соли 2025 ҳамагӣ 287 ҳодиса ва ҳолатҳои фавқулодаи дорои хусусияти табиӣ ба амал омад, ки нисбат ба соли 2024 361 (639) ҳолат кам мебошад. Дар ин хусус Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Раҷабалӣ Раҳмоналӣ 6 феврал зимни нишасти матбуотӣ ба хабарнигорон маълумот дод.
Иттилоъ дода шуд, ки ин ҳодисаҳои табиӣ дар 12 ҳолат ба иқтисодиёти шаҳру ноҳияҳо зарар расониданд, ки маблағи он беш аз 20 миллион сомониро ташкил дод.
Дар нишасти матбуотӣ гуфта шуд, ки аз шумораи ҳолатҳои фавқулодаи бавуҷудомада 83 ҳодиса селфароӣ, 79 ҳодиса тармафароӣ, 35 ҳолат заминларза, 24 ҳодиса сангрезӣ, 18 ҳолат бориши борон, 18 ҳолат шамоли сахт, 14 ҳолат баландшавии сатҳи об, 9 ҳолат фаромадани ярч, 4 ҳолат ба амал омадани раъду барқ, 2 ҳодиса бориши барфи зиёд ва 1 ҳодиса хунукии сахт мебошад.
Ҳамчунин гуфта шуд, ки дар натиҷаи шаш ҳодисаи табиӣ 6 нафар ба ҳалокат расидаанд.
Раиси Кумитаи ҳолатҳои фавқулода ва мудофиаи граждании мамлакат иброз дошт, ки кумита барои бартараф кардани ҳолатҳои фавқулодаи табиию техникӣ бо тамоми техникаи зарурӣ таъмин буда, гурӯҳҳои корӣ пайваста дар ҳолати омодабош қарор доранд.
Дар ҷараёни нишасти матбуотӣ иттилоъ дода шуд, ки соли 2025 барои ҳаракати бемонеа дар роҳҳои ағбагузари мамлакат ва таъмини амнияти ронандагону мусофирон дар мавсими зимистон ҳангоми гузаронидани корҳои наҷотдиҳӣ 160 нафар шаҳрвандони ҷумҳурӣ наҷот дода шуданд.
Моҳинави НАВРӮЗ,
АМИТ «Ховар»,
АКС: АМИТ «Ховар»
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
