Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
ДУШАНБЕ, 09.04.2026. /АМИТ «Ховар»/. Имрӯз дар шаҳри Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии Иттиҳоди Давлатҳои Мустақил баргузор гардид. Дар ин хусус ба АМИТ «Ховар» аз Агентии авиатсияи граждании назди Ҳукумати Ҷумҳурии Тоҷикистон хабар доданд.
Дар ҷаласа роҳбарони ниҳодҳои авиатсияи гражданӣ ва муовинони вазирони нақлиёти давлатҳои иштирокчии Кумитаи авиатсияи байнидавлатӣ иштирок намуданд.
Ҷаласаро Вазири нақлиёти Ҷумҳурии Тоҷикистон Азим Иброҳим бо сухани ифтитоҳӣ оғоз намуд.
Зимни ҷаласа масъалаҳои ҳамоҳангсозии фаъолият дар соҳаи авиатсияи гражданӣ, аз ҷумла бехатарии парвозҳо, сиёсат дар соҳаи нақлиёти ҳавоии байналмилалӣ, истифодаи фазои ҳавоӣ ва ташкили ҳаракати ҳавоӣ, ҷорӣ намудани санадҳои меъёрии байнидавлатии мувофиқашуда, стандартҳои байналмилалӣ ва қоидаҳо дар соҳаи авиатсияи гражданӣ мавриди муҳокима қарор гирифтанд.
Баргузории ин чорабинӣ дар шаҳри Душанбе мақоми Тоҷикистонро дар арсаи авиатсияи байналмилалӣ тақвият бахшида, имкон медиҳад, ки таҷрибаи кишвар дар соҳаи нақлиёти ҳавоӣ, инфрасохтори фурудгоҳҳо ва зиёд гардидани хатсайрҳо заминаи мусоиди фароҳам оварад.
Ёдовар мешавем, ки 20 ноябр дар шаҳри Москва дар Кумитаи авиатсияи байнидавлатӣ ҷаласаи 47-уми Шурои авиатсия ва истифодаи фазои ҳавоии Иттиҳоди Давлатҳои Мустақил баргузор гардид.
Зимни ҷаласа бо қарори роҳбарони ҳайатҳо Раёсат дар Шурои авиатсия ва истифодаи фазои ҳавоии кишварҳои Иттиҳоди Давлатҳои Мустақил аз Федератсияи Русия ба Ҷумҳурии Тоҷикистон гузашт.
Аз январи соли 2026 намояндаи ваколатдори Ҷумҳурии Тоҷикистон — директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода бо қарори Шурои Кумитаи байнидавлатии авиатсионӣ (МАК/КБА) ба муҳлати 3 сол Шурои авиатсия ва истифодаи фазои ҳавоии Иттиҳоди Давлатҳои Мустақилро роҳбарӣ менамояд.
Бояд тазаккур дод, ки Кумитаи байнидавлатии авиатсионӣ (МАК/КБА) мақоми доимоамалкунанда буда, барои амалисозии Созишнома дар бораи авиатсияи гражданӣ ва истифодаи фазои ҳавоӣ аз соли 1991 таъсис дода шуда, масъул мебошад.
АКС: Агентии авиатсияи граждании назди Ҳукумати Ҷумҳурии Тоҷикистон
Масъалаҳои рушди ҳамкории Тоҷикистон ва Русия дар соҳаи энергетика баррасӣ гардиданд
Намояндаи Тоҷикистон дар Конфронси 30-юми ҷаҳонии сармоягузорӣ дар Женева иштирок кард
Тоҷикистон ва Қазоқистон дар соҳаи рушди низоми тиҷорати электронӣ ҳамкориро тақвият медиҳанд
Байни Тоҷикистон ва Арабистони Саудӣ дар самти муқовимат ба коррупсия Ёддошти тафоҳум оид ба ҳамкорӣ ба имзо расид
САРФАИ НЕРУИ БАРҚ МАСЪУЛИЯТИ АХЛОҚИИ ҲАР ЯК ШАҲРВАНД АСТ! Чанд тавсия дар Рӯзи байналмилалии сарфаи энергия
Дар Конфронси байналмилалии телекоммуникатсия се самти афзалиятноки рушди соҳаи алоқаи Тоҷикистон муаррифӣ гардид
РӮЗИ БАЙНАЛМИЛАЛИИ САРФАИ ЭНЕРГИЯ. Истифодаи самараноки неруи барқ яке аз ҳадафҳои муҳими Стратегияи миллии рушди Тоҷикистон аст
Тоҷикистон ва Қазоқистон ҳамкориро дар соҳаи зеҳни сунъӣ густариш медиҳанд
Идоракунии устувори захираҳои обҳои зеризаминӣ дар Тоҷикистон баррасӣ гардид
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
Ҳамкории саноатӣ ва сармоягузории Тоҷикистону Қазоқистон густариш меёбад
