Дар ноҳияи Вахш кишти пунбадона идома дорад

ДУШАНБЕ, 21.04.2026. /АМИТ «Ховар»/. Хоҷагии деҳқонии «Шодӣ 2011»-и ноҳияи Вахши вилояти Хатлон дорои 10 гектар замин буда, дар 8 гектари он пунбадона ва дар 2 гектар сабзавот кишт карда шудааст.

Тавре аз хадамоти матбуоти Раиси вилояти Хатлон ба АМИТ «Ховар» иттилоъ доданд, дар айни замон бо мақсади ба даст овардани ҳосили фаровон ва саҳмгузорӣ дар рушди иқтисоди миллӣ маъракаи кишти пунбадона идома дорад.

Иттилоъ дода шуд, ки хоҷагии деҳқонии «Шодӣ 2011» аз соли 2004 таъсис ёфта, дар айни замон дар он 20 саҳмдор фаъолият доранд.

Пахтакорӣ на танҳо ба таъмини соҳаи саноати мамлакат бо ашёи хом мусоидат менамояд, балки дар таъмини аҳолӣ бо ҷойи кори нав ва истеҳсоли маҳсулоти тайёр низ нақши калон дорад.

Ёдовар мешавем, ки то имрӯз дар вилояти Хатлон дар беш аз 60 ҳазор гектар кишти пунбадона гузаронида шудааст. Кишти дигар зироати кишоварзӣ низ бо маром идома дорад.

АКС: Хадамоти матбуоти Раиси вилояти Хатлон