Ҷаласаи Шурои ҳукуматӣ оид ба рушди кинематографияи миллӣ баргузор шуд
ДУШАНБЕ, 19.06.2026 /АМИТ «Ховар»/. Нимсолаи дуюми соли 2026 оғози наворбардории филмҳои таърихии «Теғи Сино», «Борбади Марвазӣ», «Робиаи Балхӣ», «Фирдавсӣ» ва дигар лоиҳаҳои муҳими миллӣ дар назар аст. Дар ин хусус 17 июн зимни баргузории ҷаласаи навбатии Шурои ҳукуматӣ оид ба рушди кинематографияи миллӣ бо иштироки муовини Сарвазири Ҷумҳурии Тоҷикистон Дилрабо Мансурӣ баргузор гардид, иттилоъ доданд.
Тавре аз Муассисаи давлатии «Тоҷикфилм» ба АМИТ «Ховар» хабар доданд, солҳои 2023–2025 83 лоиҳаи синамоӣ, аз қабили филмҳои ҳунарӣ, мустанад, аниматсионӣ ва муштарак истеҳсол гардида, ҳамкории байналмилалӣ дар самти филмсозӣ густариш ёфтанд. Ҳамчунин кинотеатрҳои «Ватан» ва «Тоҳир Собиров» таҷдид шуда, Мактаби синамогарони ҷавон таъсис дода шуд ва як қатор донишҷӯён барои таҳсил ба муассисаҳои бонуфузи синамоии хориҷӣ фиристода шуданд.
Таъкид гардид, ки бо вуҷуди дастовардҳои бадастомада, масъалаҳои баланд бардоштани сифати филмҳо, рушди шабакаи кинотеатрҳо, рақамикунонии бойгонии кино, такмили низоми интихоби филмномаҳо ва омодасозии кадрҳои ҷавон аз самтҳои муҳими фаъолияти соҳа боқӣ мемонанд.
Дар ҷараёни ҷаласа инчунин масъалаҳои иҷрои нақшаи амалҳои «Барномаи рушди кино барои соли 2026», баланд бардоштани сифату рақобатпазирии филмҳои ватанӣ, рушди шабакаи кинотеатрҳо ва беҳтар намудани дастрасии аҳолӣ ба филмҳои миллӣ мавриди баррасӣ қарор гирифтанд.
Дар фарҷоми ҷаласа пешниҳоди баргузории Синамоҷоизаи сеюми миллии «Тоҷи Сомон» таҳти шиори «Қадршиносии ҳунари асил» ва Нақшаи кории Шуро барои нимсолаи дуюми соли 2026 баррасӣ гардида, барои рушди минбаъдаи кинематографияи миллӣ тавсияву пешниҳодҳои мушаххас пешниҳод шуданд.
АКС: Муассисаи давлатии «Тоҷикфилм»
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
