Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
ДУШАНБЕ, 07.06.2026 /АМИТ «Ховар»/. Бо мақсади истифодаи самараноки замин, сокини ноҳияи Ҷайҳун Муҳаммадҷон Абдуқаҳҳоров кишти зери плёнка ва обёрии қатрагиро истифода бурда, дар масоҳати 1 гектар замин тарбуз парвариш намудааст. Айни замон ӯ ба ҷамъоварии тарбуз машғул буда, ин маҳсулоти лазизи кишоварзиро барои фурӯш ба бозорҳои ноҳия ва берун аз он пешниҳод менамояд.
Тавре дар суҳбат бо хабарнигори АМИТ «Ховар» Муҳаммадҷон Абдуқаҳҳоров иброз дошт, ӯ дар ин масоҳат 6,5 ҳазор ниҳоли тарбуз шинонидааст.
«Фақат дар мавриди сидқан меҳнат кардан, обу ғизои саривақтӣ додан, қоидаҳои агротехникиро риоя кардан ҳосили дилхоҳу фаровон ба даст овардан мумкин аст»,- иброз медорад ин деҳқони соҳибтаҷриба.
Муҳаммадҷон Абдуқаҳҳоров дар парвариши тарбуз усули муосир, кишти зери плёнка ва обёрии қатрагиро истифода бурда, иброз медорад, ки чунин таҷриба воқеан ҳам кори деҳқонро осон карда, дар баробари сифати маҳсулот ҳосилнокиро низ зиёд мекунад.
«Ин усул имкон медиҳад, ки одитарин ҷузъиёти кори кишоварз танзим карда шавад, зеро дар ин навъи парвариш алафи бегона намерӯяд, намнокӣ зери плёнка нигоҳ дошта мешавад, ки барои нашъунамои хуби зироат кумак мерасонад», — илова кард ӯ.
Айни замон ҷамъоварии ҳосили тарбуз дар хоҷагии ӯ идома дорад. Ба ғайр аз ҳудуди ноҳия ва вилояти Хатлон, ҳамчунин соҳибкорони вилояти Суғд ба хоҷагии онҳо омада, ин маҳсулотро бо нархҳои дастрас харидорӣ намуда, бозорҳои истеъмолиро бо маҳсулоти босифат таъмин мегардонанд.
АКС: АМИТ «Ховар»
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
