Тоҷикистон ва ICAT дар доираи COP31 лоиҳаи муштаракро таҳия менамоянд
ДУШАНБЕ, 09.06.2026 /АМИТ «Ховар»/. Тоҷикистон ва Ташаббус оид ба таъмини шаффофияти иқлимӣ (ICAT) ба мувофиқа расидаанд, ки дар доираи баргузории Иҷлосияи 31-уми Конфронси ҷонибҳои Конвенсияи қолабии Созмони Милали Муттаҳид оид ба тағйирёбии иқлим (COP31), ки моҳи ноябри соли 2026 дар Анталия баргузор мегардад, лоиҳаи муштаракро таҳия ва барои татбиқ пешниҳод намоянд. Дар ин хусус АМИТ «Ховар» бо истинод ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Тибқи иттилои манбаъ, ин ва дигар масъалаҳои марбут ба ҳамкории ҷонибҳо дар доираи Иҷлосияи 64-уми мақомоти ёрирасони Конвенсияи қолабии Созмони Милали Муттаҳид оид ба тағйирёбии иқлим (SB64), дар шаҳри Бонни Олмон дар вохӯрии Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода бо роҳбарияти Ташаббус оид ба таъмини шаффофияти иқлимӣ (ICAT) доктор Хенинг Вустер баррасӣ гардид. Ин ташаббус бо дастгирии Конвенсияи қолабии Созмони Милали Муттаҳид оид ба тағйирёбии иқлим фаъолият менамояд.
Зимни вохӯрӣ ҷонибҳо масъалаҳои таҳкими шаффофияти сиёсати иқлимӣ, такмили низомҳои мониторинг, ҳисоботдиҳӣ ва санҷиши маълумоти иқлимӣ, инчунин омодасозии ҳисоботҳои миллӣ дар доираи татбиқи Созишномаи Парижро мавриди баррасӣ қарор доданд.
Таваҷҷуҳи махсус ба рушди иқтидори Ҷумҳурии Тоҷикистон дар самти арзёбии тадбирҳои иқлимӣ, баланд бардоштани сифати ҳисоботдиҳии иқлимӣ ва истифодаи воситаҳои муосир барои пайгирии пешрафт дар самти татбиқи саҳмҳои дар сатҳи миллӣ муайяншуда (NDC) равона гардид.
Роҳбарияти Агентии обуҳавошиносӣ аҳамияти ҳамкории байналмилалиро дар самти таъмини шаффофияти иқлимӣ таъкид намуда, омодагии ҷониби Тоҷикистонро барои густариши ҳамкорӣ бо ICAT барои таҳкими низомҳои миллии мониторинг ва ҳисоботдиҳии иқлимӣ изҳор доштанд.
Дар навбати худ, роҳбарияти Ташаббус оид ба таъмини шаффофияти иқлимӣ (ICAT) омодагии хешро барои идомаи дастгирии коршиносӣ ва техникӣ ба кишварҳо дар татбиқи талаботи Чаҳорчӯбаи васеъшудаи шаффофият (ETF)-и Созишномаи Париж тасдиқ намуд.
Вохӯрӣ қадами муҳим дар таҳкими ҳамкории Тоҷикистон бо шарикони байналмилалӣ оид ба масъалаҳои ҳисоботдиҳии иқлимӣ, мутобиқшавӣ ба тағйирёбии иқлим ва иҷрои уҳдадориҳои байналмилалии иқлимӣ арзёбӣ гардид.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
