Дар пойтахти мамлакат Рӯзи фарҳанги ноҳияҳои Лахшу Сангвор баргузор гардид
ДУШАНБЕ, 01.08.2026 /АМИТ «Ховар»/. Имрӯз дар Боғи «Низомиддин Алишер Навоӣ»-и шаҳри Душанбе ба истиқболи сазовори 35-солагии Истиқлолияти давлатии Ҷумҳурии Тоҷикистон рӯзҳои фарҳанги ноҳияҳои Лахш ва Сангвор бо иштироки васеи меҳмонон ва сокинони пойтахт баргузор гардиданд, иттилоъ медиҳад АМИТ «Ховар».
Дар даромадгоҳи боғ намоиши маҳсулоти саноатӣ ва кишоварзӣ, ҳунарҳои мардумӣ, маҳсулоти дастии занон, дастовардҳои ҷавонон ва варзишгарон ва дигар комёбиҳои сокинони ноҳияҳои Лахшу Сангвор пешниҳод гардиданд.
Дар ин рӯз аз ҷониби ҳунармандон барномаи фарҳангӣ, суруду таронаҳои ватандӯстона, рақсҳои миллӣ баргузор гардиданд, ки ба чорабинӣ шукуҳу шаҳомати хосса бахшид.
Ёдовар мешавем, ки баргузории рӯзҳои фарҳанги шаҳру ноҳияҳои ҷумҳурӣ дар шаҳри Душанбе тибқи Ҷадвали баргузории ҷашну солгардҳо, фестивалу намоишгоҳҳо, иду озмунҳои фарҳангию маърифатӣ ва анъанаҳои мардумӣ барои соли 2026, ки бо амри Президенти Ҷумҳурии Тоҷикистон аз 2 январи соли 2026 тасдиқ гардидааст, дар моҳҳои июн–августи соли равон тибқи нақшаи алоҳида баргузор мешавад.
Ноҳияи Лахш (то 3 марти соли 2016 ноҳияи Ҷиргатол) яке аз ноҳияҳои тобеи ҷумҳурӣ мебошад. Ноҳияи Лахш дар водии Рашт ҷойгир шудааст. Он дар баландии зиёда аз 1500 метр аз сатҳи баҳр қарор дошта, беш аз 95 фоизи ҳудуди онро қаторкӯҳҳо ташкил медиҳанд. Ноҳия барои рушди соҳаи сайёҳӣ, махсусан сайёҳии экологӣ ва кӯҳию варзишӣ хеле мусоид мебошад. Иқлими хуб, боду ҳавои форам, табиати дилфиреб ва манзараҳои зебою дилкаш имконият медиҳанд, ки соҳаи сайёҳӣ дар ноҳия рушд ва тараққӣ намояд.
Ноҳияи Тавилдара аз соли 2016 инҷониб ноҳияи Сангвор номгузорӣ гардидааст. Ёдгории таърихии мазори Ҳазрати Бурхи Валӣ, ки таърихи зиёда аз 3-5-ҳазорсола дорад ва манзараи зебои фароғатии Ҳавзи Кабуд ва даҳҳо ё дгориҳои таърихию фарҳангии ноҳия диққати сайёҳонро ҷалб намудаанд.
Дар ин минтақа ҳама дарахтони мевадор- себ, нок, олу, чормағз, олуча, зардолу, шафтолу, тут, гелос, ангур, бодом, растаниҳои даштӣ ва бешагӣ мерӯянд. Табиат ва иқлими ноҳия барои занбӯриасалпарварӣ, чорводорӣ, боғдорӣ, картошкапарварӣ ва сайёҳию кӯҳнавардӣ хеле мувофиқ мебошад. Ноҳияи Сангвор дорои захираҳои бои табиӣ ва гидроэнергетикӣ мебошад.
АКС: АМИТ «Ховар»/Мақомоти иҷроияи ҳокимияти давлатии ноҳияи Лахш
НИШАСТИ МАТБУОТӢ. Дар ноҳияи Лахш 90 иншооти таъйиноти гуногун ба истифода дода шуд
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Душанбе беш аз 6500 иншоот бунёду навсозӣ гардидааст
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар Панҷакент 40 бинои баландошёна ба истифода дода мешавад
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Роҳбарияти Осорхонаи миллии Тоҷикистон бо ҳафриёти бостоншиносӣ дар ёдгории бостонии Сайёд шинос шуд
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
