ТАҚВИМИ АМИТ «ХОВАР»: имрӯз 29 сентябр, сешанбе, 272-юмин рӯзи соли 2026 аст

29 сентябри соли 2013 бо иштироки Президенти Ҷумҳурии Тоҷикистон муҳтарам Эмомалӣ Раҳмон дар Ҷамоати деҳоти Шугноби ноҳияи Ховалинг мактаб-интернат барои 320 хонанда бо хобгоҳ ва хонаи истиқоматӣ барои омӯзгорон мавриди истифода қарор дода шуд.

***

29 сентябри соли 2015 Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ню-Йорки Амрико дар мубоҳисоти умумии Иҷлосияи 70-уми Маҷмаи Умумии Созмони Милали Муттаҳид суханронӣ ва диққати аҳли сайёраро ба ҳалли масъалаҳои ҷаҳонии умумибашарӣ ҷалб намуданд.

***

29 сентябри соли 2016 дар Қасри Миллат Президенти Ҷумҳурии Тоҷикистон муҳтарам Эмомалӣ Раҳмон бо Дабири кулли Созмони Аҳдномаи амнияти дастҷамъӣ Николай Бордюжа мулоқот намуданд.

29 СЕНТЯБР:

Дар Ҷумҳурии Тоҷикистон — Рӯзи кормандони хизмати дипломатӣ

***

Рӯзи байналмилалии огоҳӣ дар бораи талаф ва исрофи маводи ғизоӣ

***

Рӯзи ҷаҳонии дил.

***

Дар Ҷумурии Исломии Эрон — Рӯзи хадамоти оташнишонӣ

РӮЙДОДҲО:

29 сентябри соли 1829 дар шаҳри Лондон бо фармони Вазири вақти корҳои дохилии ин шаҳр Роберт Пиля политсияи гражданӣ таъсис дода шуд.

***

29 сентябри соли 1926 ноҳияҳои Айнӣ, Ашт ва  Нов (ҳозира Спитамен) ташкил ёфтанд.

***

Дар  ин рӯзи соли 1973 дар натиҷаи заминҷунбӣ дар Мексика  зиёда аз 700  нафар ба ҳалокат расиданд.

***

29 сентябри соли 2011 ширкати ҳавопаймоии «Сомон Эйр» ҳавопаймои нави худ — «Боинг 737-900»-ро муаррифӣ намуд, ки он дар фазои Иттиҳоди Давлатҳои Мустақил нав пайдо шуда буд.

***

29 сентябри соли 2015 ба будубоши дивизияи 201-уми ҳарбии Федератсияи Русия дар Тоҷикистон 70 сол пур шуд.

***

Дар ин рӯзи соли 2016 бинои нави Сарраёсати консулии Вазорати корҳои хориҷии Ҷумҳурии Тоҷикистон ба истифода дода шуд.

ДАР ИН РӮЗ ТАВАЛЛУД ШУДААНД:

Расул Боқиев –соли 1982 — Қаҳрамонии ҷудои ҷаҳон 2007 дар Рио-де-Жанейро, ғолиби Ҷоми ҷаҳон (2007, 2010, 2011 ва 2012). Устоди варзиши Тоҷикистон.