Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
ДУШАНБЕ, 06.10.2026 /АМИТ «Ховар»/. Имрӯз дар шаҳри Душанбе таҳти унвони «Бозиҳои Делфӣ: воситаи муассир барои дастгирии истеъдодҳои ҷавон, рушди соҳаҳои эҷодӣ ва сайёҳӣ дар Иттиҳоди Давлатҳои Мустақил» конференсияи байналмилалӣ баргузор гардид, иттилоъ медиҳад АМИТ «Ховар».
Зимни ифтитоҳи конференсия ба тариқи маҷозӣ Вазири фарҳанги Ҷумҳурии Тоҷикистон Матлубахон Сатториён иброз намуд, ки Бозиҳои Делфӣ дар муаррифии қобилияти эҷодии ҷавонон барои таҳкими ҳамкории фарҳангӣ, густариши робитаҳои байналмилалӣ ва рушди эҷодӣ нақши муҳим доранд.
Иштирокдорон масъалаҳои дастгирии истеъдодҳои ҷавон, рушди бахшҳои фарҳангӣ, роҳҳои ҷалби бештари ҷавонон ба фаъолияти эҷодӣ, истифодаи имконияти фарҳангӣ барои рушди сайёҳӣ ва таҳкими ҳамкории байнидавлатиро мавриди баррасӣ қарор доданд.
Таъкид шуд, ки баргузории чунин ҳамоиши сатҳи баланд ба кашфи истеъдодҳои нав, рушди соҳаи фарҳанг ва муаррифии имконияти сайёҳии кишварҳои аъзои Иттиҳоди Давлатҳои Мустақил мусоидат менамояд.
Дар ҳамоиш масъалаҳои рушди индустрияҳои эҷодӣ ва истифодаи ҳадафмандонаи технологияҳои муосир, аз ҷумла зеҳни сунъӣ дар соҳаи фарҳанг мавриди таваҷҷуҳ қарор гирифтанд. Истифодаи масъулиятноки технологияҳои нав метавонад ба ҳифз ва муаррифии мероси фарҳангӣ, рушди шаклҳои нави эҷод ва густариши имконоти таълимӣ мусоидат намояд.
Дар ҷараёни ҳамоиш пешниҳодҳои мутахассисон барои таҳкими ҳамкории фарҳангии кишварҳои аъзои Иттиҳоди Давлатҳои Мустақил, дастгирии ҷавонони соҳибистеъдод ва муайян намудани самтҳои нави ҳамкории эҷодӣ манзур гардиданд.
Ёдовар мешавем, ки Бозиҳои 20-уми Делфии ҷавонони кишварҳои аъзои Иттиҳоди Давлатҳои Мустақил аз 6 то 9 октябр дар шаҳри Душанбе доир мегардад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
