Мусодираи маводи нашъаовар
Душанбе, 2 май. (АМИТ «Ховар», Лутфия Эшонқулова). – Кормандони мақомоти ҳифзи ҳуқуқи ҷумҳурӣ дар ноҳияи Рӯдакӣ беш аз 7 килограмм маводи нашъаоварро мусодира намуданд.Мувофиқи хабари маркази матбуоти ВКД ҶТ, ҳафтаи гузашта дар ҷараёни амалиёти фаврӣ дар ҳудуди ноҳияи мазкур сокини 39 – солаи он, ки ба гардиши ғайриқонунии маводи нашъаовар гумон бурда шуда буд, дастгир гардид. Тавре манбаъ изҳор дошт, дар ҷараёни тафтишот аз ин шахси гумонбурда 7 килограмму 368 грамм ҳашиш пайдо ва мусодира гардид. Маълум шуд, ки ин маводи нашъаовар ба сокини 29 – солаи ноҳияи Ҳамадонӣ Гулбек Фақиров тааллуқ доштааст. Аз рӯи ин ҳодиса парвандаи ҷиноӣ кушода, тафтишот идома дорад.