16 ноябр Тоҷикистон ид дорад

Ноябрь 15, 2016 08:17, 690 хонанда

Хабарҳои мавзӯъ

ruzi-prezident-11

Душанбе, 15.11.2016. /АМИТ «Ховар»/. Бахшида ба Рӯзи Президент, ки 16 ноябр дар Ҷумҳурии Тоҷикистон таҷлил карда мешавад, баргузории як зумра барномаҳои фарҳангӣ, маърифатӣ ва варзишӣ дар назар дошта шудааст.
Тибқи нақшаи чорабиниҳо дар ин рӯз таҳияи барномаҳои фарҳангӣ дар қасрҳои фарҳанг ва боғҳои фароғатии тамоми вилоятҳо ва шаҳру ноҳияҳо, инчунин таҳияи намоишҳо дар бинои Сирки давлатӣ ва театрҳо ба таври ройгон дар назар дошта шудааст.
16 ноябр дар Китобхонаи миллӣ ва дигар китобхонаҳои ҷумҳуриявӣ, вилоятӣ ва шаҳриву ноҳиявӣ намоиши асарҳои Президенти Ҷумҳурии Тоҷикистон ташкил гардида, дар осорхонаҳои ҷумҳуриявӣ ҷиҳати муаррифии осори Пешвои миллат ва асарҳои рассомоне, ки ба ҳамин мавзӯъ бахшида шудаанд, Рӯзи дарҳои кушода эълон шудааст.
Дар муасисаҳои таҳсилоти миёнаи умумӣ, ибтидоӣ, миёна ва олии касбӣ намоиши китобҳои Президенти Ҷумҳурии Тоҷикистон, аз ҷумла китобҳои тозанашри «Чеҳраҳои мондагор», «Забон-ҳастии миллат» ва курс-лексияҳо ҷиҳати муаррифии китобҳои Пешвои миллат, инчунин дар муассисаҳои томактабӣ озмуни расми беҳтарин дар мавзӯи «Президент аз нигоҳи кӯдакон» доир мегарданд.
«Садоқат ба Президент-садоқат ба Ватан!»-таҳти чунин унвон дар қисмҳои низомӣ ва муассисаҳои таҳсилоти олии касбии мақомоти қудратӣ ҷамъомаду вохӯриҳо бо олимону сиёсатшиносон ва шоирону нависандагон ба нақша гирифта шудааст.
Дар ин рӯз дар толорҳои варзишӣ мусобиқаҳо аз рӯи ҳама намуди варзиш баргузор мегарданд.
Хонандагони вилояти Хатлон аз муассисаи таҳсилоти миёнаи умумии №7 ноҳияи Данғара ва Литсейи касбӣ-техникии шаҳри Сарбанд, ки Президенти Ҷумҳурии Тоҷикистон дар онҳо таҳсил намудаанд, боздид менамоянд.
Дар ин рӯз ҳамчунин дар маркази вилоятҳо ва шаҳру ноҳияҳо расми Президенти кишвар бо андозаҳои калон таҳти унвони «Президенти мо-Пешвои мост!» насб карда мешавад.
Хотиррасон мекунем, ки 15 апрели соли равон вакилони Маҷлиси намояндагони Маҷлиси Олии ҶТ ба Қонуни Ҷумҳурии Тоҷикистон «Дар бораи рӯзҳои ид» тағйирот ворид намуда буданд. Тағйирот ба қонуни мазкур бо назардошти саҳми арзандаи Пешвои миллат, Президенти Ҷумҳурии Тоҷикистон Эмомалӣ Раҳмон дар ташаккули давлатдории навини кишвар, эҳёи давлати миллӣ, таъмини сулҳу ваҳдат ва баланд бардоштани нуфузу эътибори Тоҷикистон дар арсаи байналмилалӣ таҳия гардидааст.
Мавлуда Қаландарзода, вакили Маҷлиси намояндагон зимни тавзеҳи лоиҳаи Қонуни Ҷумҳурии Тоҷикистон «Дар бораи рӯзҳои ид» зикр намуда буд, ки ҳамчун рӯзи ид муайян кардани 16 ноябр- Рӯзи Президенти Ҷумҳурии Тоҷикистон ба ҳеҷ ваҷҳ ба шахсият вобаста нест, балки чун рӯзи такдирсозу муайянкунандаи рушди минбаъдаи бомароми Тоҷикистон, марҳилаи муҳими давлатии шурӯъ намудан ба иҷрои вазифаи президентӣ дар Ҷумҳурии Тоҷикистон тибқи Конститутсияи нав қабул гардидааст.
Бояд тазаккур дод, ки 16 ноябри соли 1992 дар шаҳри Хуҷанд иҷлосияи таърихии 16-уми Шӯрои Олии Ҷумҳурии Тоҷикистон дар шароити барои миллати тоҷик ниҳоят ҳассосу мушкил ва сарнавиштсоз доир шуд. Дар иҷлосияи тақдирсоз Эмомалӣ Раҳмон аз ҷониби вакилон ба ҳайси раиси Шӯрои Олии Ҷумҳурии Тоҷикистон ва дар соли 1994 дар асоси интихоботи президентӣ Президенти Ҷумҳурии Тоҷикистон интихоб гардиданд.

Ноябрь 15, 2016 08:17, 690 хонанда

Хабарҳои дигари ин бахш

32618249191_199e240050_zМулоқоту музокироти сатҳи олии Тоҷикистону Қатар
Паёми Пешвои миллат бахшида ба Иди РамазонМуроҷиатномаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба мардуми кишвар
31798256005_35b89ccbdd_zПаёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон
31696289415_a5776bd73c_zМулоқоти Пешвои миллат бо Сарвазири Ҷумҳурии Ҳиндустон Нарендра Модӣ
30885366953_dd9bed72e6_zОғози сафари давлатии Пешвои миллат, Президенти Ҷумҳурии Тоҷикистон Эмомалӣ Раҳмон ба Ҷумҳурии Ҳиндустон
31242175880_dca4be39eb_zОғози сафари давлатии Пешвои миллат, Президенти Ҷумҳурии Тоҷикистон Эмомалӣ Раҳмон ба Ҷумҳурии Демократии Сотсиалистии Шри — Ланка
.Мулоқоту музокироти сатҳи баланди Тоҷикистон ва Чехия
31202617871_e6840360be_zИштироки Пешвои миллат дар Панели сатҳи баланд оид ба об
30486057293_b97307c520_zИштироки Пешвои миллат Эмомалӣ Раҳмон дар Саммити оби Будапешт
parchami-kishvarРӯзи парчами давлатӣ муборак!
kamol-nasrullo-3Пос доштани парчами миллӣ — пос доштани халқу Ватан аст!
m-abdurahmonПарчам рамзи садоқат, рафоқат, шаъну шараф ва таҷассумгари ифтихору номуси ватандорист