Маҳмадшариф Бобошозода: «Ҳадафи асосии матбуоти давлативу мустақил софдилона ба манфиати халқу кишвари худ хизмат кардан аст»

Март 11, 2017 10:57

Хабарҳои мавзӯъ

Рузи матбуот (8)

ДУШАНБЕ, 11.03.2017 /АМИТ «Ховар»/. Дирӯз, 10 марти соли равон дар Театри давлатии академӣ-драмавии ба номи Абулқосим Лоҳутӣ Рӯзи матбуоти тоҷик таҷлил гардид. Дар ин маросим намояндагони тамоми ВАО-и кишвар иштирок намуданд.
Мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Маҳмадшариф Бобошозода зикр намуд, ки нақши ВАО дар пешрафт ва рушди ҷомеа хеле бузург аст.
«Таҷрибаи имрӯзаи Тоҷикистони соҳибистиқлол нишон медиҳад, ки телевизиону радио ва матбуот ҳамчун воситаи асосии таъсиррасонӣ ба афкори ҷомеа метавонанд ба ҳалли мушкилоти мавҷуда фаъолона мусоидат кунанд. Журналистон дар ҷомеаи журналистии кишвар дар инъикоси муҳимтарин масъалаҳои сиёсӣ, иқтисодӣ, иҷтимоӣ ва фарҳангӣ нақши муҳим доранд. Муҳим нест, ки рӯзноманигорон дар кадом самт: матбуоти давлатӣ ё матбуоти мустақил фаъолият мекунанд. Ҳадафи асосии матбуоти давлативу мустақил вазифаи касбии ҳудро содиқона ва софдилона ба манфиати халқу кишвари худ иҷро кардан аст»,- гуфт Маҳмадшариф Бобошозода.
Мудири кафедраи телевизион ва радиошунавонии факултаи журналистикаи Донишгоҳи миллии Тоҷикистон Сангин Гулов баён намуд, ки он орзую омоле, ки дастандаркорони «Бухорои шариф» доштанд, имрӯз амалӣ гардид. Миллати тоҷик ба истиқлолият расид ва дар замони соҳибистиқлолии кишвар Тоҷикистон ба рушди бесобиқаи воситаҳои ахбори омма даст ёфт. «Заминаҳои ҳуқуқӣ барои ташаккули ВАО фароҳам оварда шуданд. Имрӯз озодии баён, гуногунандешии ВАО таъмин гаштааст. Гуфтан ҷоиз аст, ки ҳамаи инро барои мо санади олии ҳуқуқии кишвар- Конститутсия кафолат додааст»,- таъкид намуд Сангин Гулов.
Дар ҳамоиш 9 нафар устодони соҳаи журналистика барандаи Ҷоизаи ба номи Абулқосим Лоҳутӣ шуданд. Ҳамчунин рӯзноманигорони фаъол соҳиби нишони «Аълочии фарҳанги Ҷумҳурии Тоҷикистон», «Аълочии матбуоти Тоҷикистон», Ифтихорномаи Вазорати фарҳанги Ҷумҳурии Тоҷикистон, «Аълочии ифтихории Вазорати маориф ва илми Ҷумҳурии Тоҷикистон», Ифтихорнома ва Сипосномаи Вазорати маориф ва илми Ҷумҳурии Тоҷикистон гардиданд.
Кормандони АМИТ «Ховар» ва радиои «Ховар» бо Ифтихорнома ва туҳфаҳои Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон қадрдонӣ шуданд.

Март 11, 2017 10:57

Хабарҳои дигари ин бахш

тф -1Фарҳанг ҳастии миллат аст. Аз солрӯзи ҳунарманди мумтози тоҷик Туҳфа Фозилова сад сол сипарӣ гардид
????????????????????????????????????Нашри китоби нав ба ифтихори 100-солагии нобиғаи санъати тоҷик Туҳфа Фозилова
Фехристи номхоБа Феҳристи номҳои миллии тоҷикӣ беҳтарин номҳо ворид шудаанд
Конфронси Тухфа Фозилова (8)Ҳамоиши байналмилалӣ ба ифтихори 100-солагии Ҳунарманди халқии Иттиҳоди Шӯравӣ Туҳфа Фозилова
Парасту 2017Фестивал-озмуни «Парасту-2017» ба 100-солагии Тӯҳфа Фозилова бахшида мешавад
17952024_1953005378254076_5078309082709608086_nДар шаҳри Берлин шоми фарҳанги тоҷик доир гардид
v farhangШамсиддин Орумбекзода: «Дари Тоҷикистон барои муносибатҳои фарҳангӣ бо дигар кишварҳо ҳамеша боз аст»
Дар Париж бахшида ба 20-солагии Вахдати милли намоишгохи тасвирхо баргузор гардидДар Париж бахшида ба 20-солагии Ваҳдати миллӣ намоиши тасвирҳо баргузор гардид
мучассамаи абармардони миллати точикДар саҳни бинои СММ дар Вена муҷассамаи донишмандони бузурги тоҷик гузошта шуд
DSC_0232+Маҳфили адабӣ ва рӯнамоии китобҳои нави Абдураҳмони Абдуманнон дар Хонаи адибон
Волос АндрейТоҷикистон ба харитаи адабии ҷаҳон шомил шуд
Китоби «Варзиш - соҳаи мавриди назари Пешвои миллат Эмомалӣ Раҳмон» аз чоп баромадКитоби «Варзиш-соҳаи мавриди назари Пешвои миллат Эмомалӣ Раҳмон» ба нашр расид