НИҚОБ БО ОБИ НУҚРА. Дар Донишкадаи омӯзгории шаҳри Панҷакент ба истеҳсоли он шурӯъ карданд

Май 19, 2020 12:00

ДУШАНБЕ, 19.05.2020 /АМИТ «Ховар»/.  Донишкадаи омӯзгории шаҳри Панҷакент  дар ҳамкорӣ бо муассисаи «Маърифатпарвар» ба истеҳсоли ниқобҳои яккарата ва бисёркаратаи тиббӣ  оғоз намуд.

Тавре ба хабарнигори АМИТ «Ховар» ноиби ректор оид ба таълим, номзади илмҳои иқтисодӣ Фирдавс Наҷмиддинов иттилоъ дод, дар ниқобҳои мазкур оби нуқра истифода шуда, он бо тавсияи Президенти Академияи миллии илмҳои Ҷумҳурии Тоҷикистон Фарҳод Раҳимӣ роҳандозӣ карда шудааст.

Ҳоло барои истеҳсоли ниқобҳои тиббӣ 30 нафар донишҷӯён, муаллимон ва дӯзандаҳои маҳаллӣ ҷалб шуда, дар як шабонарӯз 10 ҳазор адад ниқоб истеҳсол менамоянд. Ниқобҳои омодашуда ба кормандони  Донишкада, Ҳукумат ва сохторҳои қудратии шаҳри Панҷакент ройгон тақсим шуда, боқимонда дар дорухонаҳои шаҳр бо нархи дастрас ба фурӯш бароварда шудаанд.

«Айни ҳол 50 ҳазор ниқоб омода буда, дар коргоҳ асосан ду навъи ниқобҳои тиббӣ: яккарата ва бисёркарата бо изофаи маҳлули нуқра омода мешаванд. Дар оянда нақша дорем, ки  шумораи кормандонро дар ин самт зиёд кунем»,-  гуфт Фирдавс Наҷмиддинов.

Ба зикри номбурда, ниқоби тиббии аз оби нуқра омодашуда давоми 24 соат одамро аз бемориҳои тавассути роҳҳои нафас сироятшаванда эмин нигоҳ медорад. Инчунин ҳангоми шустан ва дарзмол намудани ниқоб нуқра қобилияти муҳофизатии худро гум намекунад.

Технологияи мазкур таҳти роҳбарии Президенти Академияи миллии илмҳои мамлакат Фарҳод Раҳимӣ мавриди омӯзиш қарор дода шуда, баъд аз тавсия додан  истеҳсоли ниқобҳо роҳандозӣ шудааст.

Май 19, 2020 12:00

Хабарҳои дигари ин бахш

Корхонаҳои ангишти мамлакат дар мубориза бо COVID-19 саҳм гузоштанд
Вазорати кишоварзӣ: «Бигроза» ва «Ред скарлет» вориди Тоҷикистон шуданд
ТАРҶЕҲ БА ИСТЕҲСОЛОТИ ВАТАНӢ! Корхонаҳои Тоҷикистон даҳҳо тонна собун, хлор ва маҳлулҳои антисептикӣ истеҳсол намуданд
ВАЗОРАТИ МОЛИЯИ ТОҶИКИСТОН: Қарзи имтиёзноки Хазинаи байналмилалии асъор ба соҳаҳои гуногуни иқтисоди миллӣ равона мегардад
COVID-19 ВА ИҚТИСОД. Сардори Раёсати Вазорати рушди иқтисод ва савдо дар суҳбат бо АМИТ «Ховар» натиҷаҳои таъсири пандемияро ба иқтисоди миллӣ низ пешгӯӣ намуд
Шариф Раҳимзода, директори Институти иқтисодиёт ва демография: «Таъсиру пайомадҳои коронавирус ба иқтисоди ҷаҳон аз буҳрони молиявии солҳои 2008-2009 шадидтар хоҳад буд»
COVID-19. Таъсири оқибатҳои бемории коронавирус ба иқтисодиёти ҷаҳон ва Ҷумҳурии Тоҷикистон
Аз 11,3 млн. доллари грантӣ аз ҳисоби маблағҳои АБР 6,3 миллионаш барои муқовимат бо COVID-19 пешбинӣ шудааст
«РУХИ ҶОНОНА». Ноҳияи Ашт ба содироти зардолу омодагӣ мегирад
Ӯзбекистон ба Тоҷикистон мошинҳои ёрии таъҷилӣ фиристод
ҶДММ «Фарм-Текс»-и ноҳияи Данғара дар як рӯз то 15 ҳазор ниқобҳои тиббиро ба муассисаҳои гуногуни тиббии Тоҷикистон мерасонад
«АМОНАТБОНК»: Тамоми банкоматҳо бо пули нақд таъмин мебошанд

Маводҳои таҳлилӣ