114 « ГӮШАИ ДЕҲҚОН» ТАШКИЛ МЕШАВАД

                          Душанбе, 24 июн. (АМИТ «Ховар», Лаззат Диловарзод).- Бо назардошти талаботи аҳолии шаҳр нисбат ба маҳсулоти кишоварзӣ ва дастгирии комплекси агросаноатии шаҳр аз рӯи талаботи бозор, раиси шаҳр Маҳмадсаид Убайдуллоев пешниҳод намуд, ки дар пойтахт ва бозорҳои он 114 «Гӯшаи деҳқон» бе пардохти иҷорапулӣ ва дигар андозҳои маҳаллӣ таъсис дода шавад.                        Мақсад аз чунин пешниҳод таъмини сокинони пойтахт бо маҳсулоти кишоварзӣ буда, он аз 16 -уми июл то 1-уми декабри соли 2009 фаъолият мекунад.                         Акнун фаъолияти «Гӯшаи деҳқон» ба роҳбарони бозорҳои шаҳр ва шахсони ба он мутасадӣ вобаста аст, ки то кадом дараҷа барои деҳқон шароит фароҳам месозанд.