ҚОТИЛ ЯКУМРӢ МАҲБУС ШУД

                   Қӯрғонтеппа, 24 июн. (АМИТ «Ховар», Мурод Сотиев).- Суди вилояти Хатлон парвандаи ҷиноии нисбати сокини деҳаи Аловуддини ноҳияи Фархор Насимҷон Қурбонов кушодашударо мавриди муҳокима қарор дод. Ёвари калони прокурори вилоят В. Зайниддинов ба АМИТ «Ховар» хабар дод, ки парвандаи ҷиноии мазкур моҳи ноябри соли гузашта вобаста ба воқеаи куштори чанд нафар кушода шуда буд. Мувофиқи маводи парвандаи ҷиноӣ Насимҷон Қурбонов шаби 20 ноябр дар ҳолати мастӣ ба деҳаи Арабои ноҳияи Фархор рафта, 3 сокини онро ба ҳалокат расондааст. Яке аз онҳо холаи ҷинояткор мебошад. Н. Қурбонов инчунин чанд нафари дигар, аз ҷумла кӯдакони хурдсолро бо корд маҷрӯҳ намудааст.                  Мухбири АМИТ «Ховар» хабар медиҳад, ки Н. Қурбонов бо ҳукми суди вилоят ба ҳабси якумрӣ маҳкум карда шуд.                                                                                                          Тарҷумон Қудратов А.