ҚУРБИ БОНКИИ ДОЛЛАР БОЗ КАМЕ ПОЁН РАФТ

                 Душанбе, 19 июн. (АМИТ «Ховар», Бекназари Абӯбакр). — Дар давоми рӯзи 18 июни соли ҷорӣ дар бозорҳои байнибонкӣ ва дохилибонкӣ аксарияти амалиёт бо қурби аз 4,40 то 4,43 сомонӣ барои 1 доллари ИМА сурат гирифт, ки нисбат ба 17 июн паст мебошад. Аз ин рӯ, қурби расмии доллари ИМА 4,4006 сомонӣ муқаррар карда шуд.                Аз маркази матбуоти Бонки миллии Тоҷикистон ба АМИТ «Ховар» иттилоъ доданд, ки қурби миёнаи хариду фурӯши доллари ИМА дар нуқтаҳои мубодилаи асъори шаҳри Душанбе чун рӯзи гузашта тағйир наёфт ва ба ҳисоби миёна 4,43 — 4,45 сомониро ташкил дод. Қурби миёнаи хариду фурӯши рубли русӣ ва евро каме афзуда, мувофиқан ба 1,45 ва 6,16 сомонӣ баробар шуд.