ДАР ИТТИФОҚИ НАВИСАНДАГОН РАИСИ НАВ ИНТИХОБ МЕГАРДАД

                      Душанбе, 26 июн.(АМИТ «Ховар», Лутфия Эшонқулова).- 3 июл дар Душанбе анҷумани навбатии Иттифоқи нависандагон баргузор мегардад. Дар он раиси нави иттиҳодия ва самтҳои фаъолияти он барои панҷ соли оянда аз ҷониби адибони тоҷик, ки аъзои Иттифоқи нависандагон ҳастанд интихоб карда мешавад. Бояд қайд кард, ки айни ҳол ин вазифаро адиби машҳури тоҷик Меҳмон Бахтӣ бар дӯш дорад ва қариб 350 нафар аъзои ин иттиҳодия мебошанд. Анҷумани мазкур бояд як сол қабл баргузор мегашт, аммо бо сабабҳои гуногун мавқуф гузошта шуд.                     Дар ин бора ба мухбири АМИТ «Ховар» муовини аввали Иттифоқи нависандагони Тоҷикистон Адбулҳамид Самадов хабар дод.