МУҲОКИМАИ ИМКОНИЯТҲОИ СОХТМОНИ НБО ДАР КӮЛИ САРЕЗ
Душанбе, 27 июн. (АМИТ Ховар, Бекназари Абубакр).- Муовини аввали раиси Кумитаи давлатии сармоягузорӣ ва идораи амволи давлатии ҷумҳурӣ Абдуғаффор Раҳмонов 24 июн бо роҳбари барномаи рушди соҳибкории хурду миёнаи Корпоратсияи байналмилалии молиявӣ дар Тоҷикистон Ванди Варнер ва намояндагони Бонки ҷаҳонӣ мулоқот кард. Мухбири АМИТ «Ховар» хабар медиҳад, ки зимни мулоқот масъалаҳои марбут ба имконияти сохтмони нерӯгоҳи барқи обӣ дар кӯли Сарез ва таҳия намудани ҳуҷҷатҳои техникию иқтисодии ниругоҳи мазкур ва бо ин мақсад гузаронидани корҳои таҳқиқотӣ муҳокима шуданд. В. Варнер изҳор намуд, ки Корпоратсияи байналмилалии молиявӣ ба омӯзиши ҳамаҷонибаи имкониятҳои сохтмони НБО дар кӯли Сарез манфиатдор аст. Қайд карда шуд, ки Коорпаратсияи байналмилалии молиявӣ метавонад ҳамроҳи ширкати муҳандисии «Стаски Лимитед» ҳуҷҷатҳои техникию иқтисодӣ ва лоиҳаи сохтмони нерӯгоҳи мазкурро омода созад. Ҷонибҳо паймон карданд, ки бо мақсади муфассалтар муҳокима намудани масъала аввали моҳи июл ҳамроҳи муттахассисони ширкати «Стаски Лимитед» ва Корпоратсияи байналмилалии молиявӣ мулоқот кунанд.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
