МУСОДИРАИ 100 КГ ГЕРОИН
Хуҷанд, 18 июн. (АМИТ «Ховар», Санавбар Мақсудова).- Шахси номаълум шаби 16 июн ба навбатдори Раёсати назорати маводи нашъадори вилояти Суғд телефонӣ хабар дод, ки 2 нафар қочоқчӣ мехоҳад миқдори зиёди маводи нашъадорро аз деҳаи Қистакӯзи ноҳияи Бобоҷон Ғафуров ба Қирғизистон интиқол диҳад. Бо расидани ин хабар гурӯҳи зудамали тафтишотӣ ба маҳаллӣ мурқарраршуда фиристода шуд. Кормандони раёсат шабона қитъаи тарафи рости роҳи моншингарди Хуҷанд-Конибодомро дар наздикии деҳаи «60 -солагии Қирғизистон» аз назар гузаронданд. Дар натиҷаи кофтуков тақрибан 300 метр дуртар аз роҳи мошингард велосипеди тамғаи «Урал» ёфт шуд. Дар он 4 халтаи селофанӣ баста шуда буд. Халтаҳо пур аз моддаи нашъадори сахттаъсири героин буданд. Вазни умумии маводи нашъадор 100 килограму 398 грамро ташкил дод. Қочоқчиён аз торикии шаб истифода бурда, ба қаламрави Ҷумҳурии Қирғизистон фирор карданд. Аз рӯи ин воқеа парвандаи ҷиноӣ кушода шуд. Дар халтачаҳои маводи нашъадор нишон ва мӯҳри махсус мушоҳида карда мешавад. Ин шаҳодат медиҳад, ки маводи нашъадор дар озмоишгоҳҳои махсуси Афғонистон истеҳсол карда шудааст.
Муассисаҳои таълимӣ ноҳияи Муъминобод ба зимистонгузаронӣ омода карда мешаванд
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
