МУСУЛМОНОНИ ИДМ ҶОНИБДОРИ СОЗГОРИИ МИЛЛӢ ВА ДИНӢ

                        Душанбе, 18 июн. (АМИТ «Ховар», Наталя Михайлова).- 17 июн дар Маскав дар мавзӯи «Мусулмонони Иттиҳоди давлатҳои мустақил ҷонибдори созгории миллӣ ва динӣ» конфронс оғоз ёфт. Дар он намояндагони идораҳои динии 8 мамлакати ИДМ, меҳмонон аз Эрон ва Кувайт иштирок доранд.                      Аз Ҷумҳурии Тоҷикистон дар конфронси мазкур раиси Шӯрои исломии ҷумҳурӣ Ҳоҷӣ Амонулло Неъматзода ва роҳбари Сарраёсати масъалаҳои дини Вазорати фарҳанги ҷумҳурӣ Идибек Зиёев ширкат меварзанд.                     Дар конфронс масъалаҳои марбут ба истиқрори созгории байни динҳо ва миллатҳо, бештар сохтани самараи ҳамкории мусулмонони мамлакатҳои ИДМ, вусъат додани равобити байни динҳо ва муносибатҳои давлатию динӣ, тақвияти мубориза ба муқобили таълимоти бардурӯғи исломӣ ва зуҳуроти ифротгароӣ дар ислом муҳокима карда мешаванд.                                                                                                  Тарҷумон Қудратов А.