ШАХСОНИ МАНСАБДОР БА ҶАЗОИ МАЪМУРӢ КАШИДА ШУДАНД
Душанбе, 30 июн. (АМИТ «Ховар», ЛаззатДиловарзод).- Дар давоми нимаи соли ҷорӣ кормандони Хадамоти давлатии назорат дар соҳаи меҳнат, шуғл ва ҳифзи иҷтимоии аҳолӣ, супориши роҳбарияти Вазорати меҳнат ва ҳифзи иҷтимоии аҳолӣ ва арзу шикояти шаҳрвандон вобаста ба ҳолати риояи қонунгузории соҳа дар фаъолияти субъектҳои хоҷагидории ҷумҳурӣ беш аз 530 санҷиш гузаронида шуд. Дар натиҷаи санҷишҳо дар ҷумҳурӣ 1632 қонунвайронкунӣ ошкор гардид, ки аз ин 1418 ҳолат ба масъалаҳои меҳнат, 16 ҳолат ба масъалаҳои шуғл ва 198 ҳолат ба масъалаҳои нафақа ва пардохтҳои дигари иҷтимоӣ иртибот доштанд. Кормандони Хадамоти мазкур дар асоси санҷиш наздик ба 2 млн. қарздорӣ аз музди меҳнатро муайян ва пардохт намуданд. Дар бораи риоя нашудани қонуни меҳнат беш аз 26 нафар шахси мансабдор ба ҷазои маъмурӣ кашида шуд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
