ҚАБУЛИ ҲУҶҶАТҲО БА ФИЛИАЛИ ДОНИШГОҲИ ДАВЛАТИИ МАСКАВ ШУР&#

                   Душанбе, 23 июл. (АМИТ «Ховар», Людмила Дубинина ). — 28 июл дар филиали Донишгоҳи давлатии Маскав дар шаҳри Душанбе имтиҳонҳои қабул оғоз меёбанд. Соли аввал дар ду факултаи филиали мазкур — факултаҳои математика ва информатика ва факултаи муносибатҳои байналхалқӣ 25 нафарӣ донишҷӯ қабул карда мешавад. Таҳсил дар ин ҷо дар асоси шартнома ва таъминоти буҷетӣ ба роҳ монда мешавад. Рӯзи охирини қабули ҳуҷҷатҳои дохилшавандагон 26 июл аст. Имтиҳонҳоро омӯзгорони москвагӣ бо роҳи санҷиши тестӣ дар Донишгоҳи техникии ба номи М.Осимӣ қабул мекунанд. Меъёрҳои асосии баҳодиҳӣ ба дониши дохилшавандагон ба таври мукаммал донистани фанҳо ва забони русӣ мебошанд.                  Тармими бинои филиали Донишгоҳ дар арафаи соли нави таҳсил ба охир мерасад. Барои тармим ва тайёр кардани филиал ба соли нави таҳсил 4 миллион сомонӣ сарф карда хоҳад шуд.                  Мухбири АМИТ «Ховар» хабар медиҳад, ки филиали Донишгоҳи давлатии Маскав ба номи Ломоносов қабл аз Тоҷикистон дар Озарбойҷон кушода шуда буд. Ифтитоҳи филиали мазкур дар Тоҷикистон ба тайёр намудани мутахассисони варзидаи техникӣ, кормандони соҳаи дипломатия ва донандагони забонҳои хориҷӣ мусоидат менамояд. Аз Тоҷикистон олими маъруф Ҳайдар Одинаев ректори филиали Донишгоҳи давлатии Маскав таъин карда шуд.                                                                                                Тарҷумон — Қудратов А.