ҚОЧОҚЧИИ АФҒОН БА ДАСТ АФТОД

                   Қӯрғонтеппа, 25 июл. (АМИТ «Ховар», Мурод Сотиев).- Кормандони гумрук дар гузаргоҳи сарҳадии «Панҷи поён» шаҳрванди Афғонистон Муҳаммадкарим Тозаро дастгир карданд. Вай мехост 43,7 грам моддаи нашъадори хашишро аз Афғонистон ба Тоҷикистон ворид созад.                    Роҳбари дафтари матбуоти раёсати гумруки вилояти Хатлон Олимхон Шарифов ба мухбири АМИТ «Ховар» гуфт, ки Муҳаммадкарим Тоза фасли баҳори ҳамин сол зимни ворид гардиданаш ба сарзамини Тоҷикистон барои нодуруст пур кардани ҳуҷҷатҳои ворид сохтани мол ҷазои маъмурӣ дода шуда буд.                   Акнун нисбати қочоқчии афғон парвандаи ҷиноӣ кушода шуд ва тафтиши он давом дорад.