ҚУРБИ МИЁНАИ ДОЛЛАР ФАРОМАД

                    Душанбе, 16 июл. (АМИТ «Ховар», Бекназари Абӯбакр). — Қурби миёнаи хариду фурӯши доллари ИМА дар бозори асъори шаҳри Душанбе дар давоми рӯзи 15 июл, поён фаромада, ба ҳисоби миёна 4,42 — 4,45 сомониро ташкил дод. Талабот ба асъори хориҷӣ вобаста ба гузаронидани амалиёт аз тарафи Бонки миллии Тоҷикистон ва ташкилотҳои қарзӣ кам шуд. Қурби миёна аз рӯи амалиёт бо рубли русӣ ва евро каме баландтар шуда, ба 1,38-1,39 сомонӣ ва 6,15-6,20 сомонӣ баробар шуд.                   Аз маркази матбуоти БМТ ба АМИТ «Ховар» иттилоъ доданд, ки дар бозори байнибонкӣ ва дохилибонкӣ, ки бештари амалиёт дар он сурат мегирад, қурби миёнаи хариду фурӯши доллари ИМА аз рӯи қарордодҳои басташуда, 4,39-4,43 сомонӣ барои 1 доллари ИМА-ро ташкил кард. Қурби миёнаи рубли русӣ ва евро бошад, каме паст шуда, 10 рубли русӣ ба 1,41 сомонӣ ва 1 евро ба 6,18 сомонӣ баробар гардид.