256,3 ҲАЗОР МАНЗИЛ ХУСУСӢ КАРДА ШУД

                Душанбе, 31 июл. (АМИТ «Ховар», Лаззат Диловарзод).- Тибқи маълумоти Кумитаи давлатии омор, то 1 — ми июли соли 2009 дар ҷумҳурӣ (аз аввали хусусигардонӣ) 256,3 ҳазор манзил хусусӣ гардонида шудааст. Аз ҷумла, 189, 6 ҳазор манзил фурӯхта шуда, 3,7 ҳазор бо пардохти қисми маблағ ва 63 ҳазор манзил ба аҳолӣ бепул дода шудааст.                Масоҳати умумии манзилҳои хусусигардонидашуда 14, 1 млн. метрии мураббаъро ташкил медиҳад.                Шумораи манзилҳои хусусигардонидашуда дар ВМКБ — 2332, вилояти Суғд 37 ҳазору 52, вилояти Хатлон — 82977, шаҳри Душанбе — 114 ҳазору 438 ва дар НТҶ 19 ҳазору 529 ададро ташкил медиҳанд.