96 ФОИЗИ ИНВЕСТИТСИЯ АЗХУД КАРДА ШУД

                  Душанбе, 23 июл. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар моҳҳои январ — июни соли 2009 барои таҷдиди роҳи автомобилгарди «Душанбе — Бӯстон» асосан аз ҳисоби қарзҳои хориҷӣ — 96,3 фоизи ҳаҷми умумии инвеститсияи азхудкардашуда ба амал бароварда шудааст. Аз ҷумла, дар сохтмони нақби «Шаҳристон» — 22 миллиону 435 ҳазор сомонӣ инвеститсия истифода карда шудааст.  Дар сохтмони нақби «Шар — Шар» 3 млн. 328 ҳазор сомонӣ, дар барқарорсозии роҳи автомобилгарди Душанбе — сарҳади Қирғизистон (марҳилаи 3) ба маблағи 30 млн. 493 ҳазор сомонӣ ва дар роҳи автомобилгарди «Шоҳон — Зиғар» 4 млн.387 ҳазор сомонӣ истифода гардидааст.